1 ნოემბრის ვაჭრობის შედეგად ქართული ეროვნული ვალუტა აშშ დოლართან მიმართებით გამყარდა. დოლარის ცვლილებამ 1.6 თეთრი შეადგინა და დოლარის ოფიციალური ღირებულება 2.7264 ლარია. მნიშვნელოვანია გარემოება, რომ დღეს სებ-მა სავალუტო აუქციონზე 60 მილიონი დოლარი გაყიდა.
საქართველოს ეროვნული ბანკის ინფორმაციით, ეროვნული ვალუტა ევროსთან მიმართებით 2.15 თეთრით გამყარდა, რის შედეგადაც ერთი ევროს ოფიციალური ღირებულება 2.9595 ლარი გახდა.
4.19 თეთრით გამყარდა ლარი გირვანქა სტერლინგთან (GBP), რომლის ფასი 3.5203 ლარი გახდა.
