რა არის ციფრული ვალუტა და რატომ დებენ ადამიანები  ინვესტიციას მასში?

რა არის ბლოკჩეინ ტექნოლოგია?

ბლოკჩეინი ციფრული ვალუტების საფუძველია. ეს არის განაწილებული ლეჯერი, რომელიც უზრუნველყოფს უსაფრთხო, გამჭვირვალე და დაცული ტრანზაქციების ჩანაწერს. თითოეული ტრანზაქცია ჯგუფდება ბლოკში, რომელიც შემდეგ უკავშირდება წინა ბლოკს, ქმნის ჯაჭვს. ეს ჯაჭვი ინახება მრავალ კომპიუტერზე, რაც შეუძლებელს ხდის წარსული ტრანზაქციების შეცვლას ყველა შემდგომი ბლოკის შეცვლისა და ქსელის მონაწილეთა უმრავლესობისგან კონსენსუსის მოპოვების გარეშე.

როგორ მუშაობს კრიპტოვალუტა?

აქ არის მარტივად ახსნილი კრიპტოვალუტის მუშაობის პროცესი:
● ტრანზაქციის ინიციირება. მომხმარებელი აინიციირებს ტრანზაქციას, რათა ციფრული ვალუტა საკუთარი საფულიდან სხვა მომხმარებლის საფულეში გააგზავნოს.
● ტრანზაქციის ვალიდაცია. ტრანზაქცია გადაიცემა კომპიუტერების (ნოდების) ქსელში ვალიდაციისთვის. ეს ხდება კონსენსუს მექანიზმების მეშვეობით, როგორიცაა Proof-of-Work (მაგ., ბიტკოინის ბლოკჩეინი) ან Proof-of-Stake (მაგ., ეთერიუმისის ბლოკჩეინი).
● ტრანზაქციის ჩაწერა. ვალიდაციის შემდეგ, ტრანზაქცია ჯგუფდება სხვა ტრანზაქციებთან ბლოკში და ემატება ბლოკჩეინს.
● საკუთრების უფლების გადაცემა. ციფრული ვალუტის საკუთრების უფლება გამგზავნიდან მიმღებს გადაეცემა და ტრანზაქცია სამუდამოდ ფიქსირდება ბლოკჩეინში.

რატომ დებენ ადამიანები ინვესტიციას კრიპტოში?

ადამიანებსა და ორგანიზაციებს კრიპტოვალუტაში ინვესტირებისკენ რამდენიმე ფაქტორი უბიძგებს:
● მაღალი შემოსავლის მიღების შესაძლებლობა. კრიპტო ბაზარმა ფასების მნიშვნელოვანი ზრდა აჩვენა, რაც იზიდავს ინვესტორებს, რომლებიც ეძებენ მაღალ შემოსავალს. რა ღირს ბიტკოინი? ეს კითხვა ინვესტორებში ხშირად ჩნდება, რადგან მისი ფასი  ფართოდ იცვლება იქიდან გამომდინარე, თუ რა პირობებშია კრიპტო ბაზარი, რაც ზრდის ინვესტირების ინტერესსა და რისკს.
● დივერსიფიკაცია. კრიპტოვალუტები გვთავაზობენ აქტივების ახალ კლასს პორტფელის დივერსიფიკაციისთვის. კრიპტოში ინვესტიცია დაგეხმარებათ თავიდან აიცილოთ პრინციპი - „ყველა კვერცხი ერთ კალათაში“.
● ინოვაცია და ტექნოლოგია. ბლოკჩეინ ტექნოლოგია რევოლუციას ახდენს მრავალ ინდუსტრიაში, ფინანსებიდან ლოჯისტიკამდე.
● დეცენტრალიზაცია. კრიპტოვალუტები უზრუნველყოფს ტრადიციული ფინანსური სისტემების დეცენტრალიზებულ ალტერნატივას, რაც მიმზიდველია მათთვის, ვინც ავტონომიასა და საკუთარ აქტივებზე კონტროლის შესაძლებლობას აფასებს.
●კრიპტო  ბაზრის შენებაში მონაწილეობის შესაძლებლობა. ინვესტორები ხშირად თანამშრომლობენ კრიპტო მარკეტ მეიქინგ  კომპანიებთან, რათა უზრუნველყონ ლიკვიდურობა და შეამცირონ ციფრული აქტივების მერყეობა.

რა ტიპის ციფრული აქტივები არსებობს?

ციფრული აქტივები სხვადასხვა ფორმით გვხვდება, თითოეული უნიკალური მახასიათებლებით:

კოინები. მათ შორისაა ცნობილი კოინები, როგორიცაა ბიტკოინი და ეთერიუმი, რომლებიც მოქმედებენ საკუთარ ბლოკჩეინებზე.

ტოკენები.  არსებულ ბლოკჩეინებზე შექმნილი ტოკენები წარმოადგენს აქტივებს ან სერვისებს კონკრეტულ პროექტში ან ეკოსისტემაში.

სტეიბლკოინები. კრიპტოვალუტები, რომლებიც მიბმულია სტაბილური აქტივის, მაგალითად, აშშ დოლარის ღირებულებაზე, რათა მინიმუმამდე დაიყვანოს ფასის მერყეობა.

არა-ჩანაცვლებადი ტოკენები (NFT). უნიკალური ციფრული აქტივები, რომლებიც წარმოადგენენ საკუთრებას კონკრეტულ ნივთებზე, როგორიცაა ციფრული ხელოვნება ან კოლექციები.

ტოკენები ასევე იყოფა ორ კატეგორიად:
●  Utility ტოკენები -  უზრუნველყოფენ წვდომას პროდუქტებზე ან სერვისებზე კონკრეტულ ბლოკჩეინ ეკოსისტემაში.
●  Security ტოკენები  - წარმოადგენენ საკუთრებას ან სხვა უფლებებს აქტივზე და ექვემდებარებიან ფასიანი ქაღალდების ფედერალურ რეგულაციებს.

ციფრული ვალუტები წარმოადგენს გარდამავალ ნაბიჯს ღირებულების გადაცემისა და შენახვის პროცესში. სხვადასხვა ტიპის ციფრული აქტივების არსებობა ინვესტორებისთვის ფართო შესაძლებლობებს ქმნის. ბლოკჩეინის საფუძვლების გაგება და მისი მუშაობის პრინციპი აუცილებელია ყველასთვის, ვისაც აინტერესებს  კრიპტო ვალუტის ყიდვა და ამ დინამიკურ სფეროში ინვესტირება.