WTI-ის მარკის ნავთობის ფასი 10%-ით გაიზარდა

29

ნავთობის მსოფლიო ფასები ღამით იზრდება, WTI-ის მარკის ნავთობის ღირებულება, ნიუ-იორკის ბირჟაზე 10%-ზე მეტად გაიზარდა.

WTI-ის მარკის თებერვლის ფიუჩერსების ნავთობის ფასი 10,39%-ით გაიზარდა და ბარელზე 46,95 აშშ დოლარი შეადგინა.

რაც შეეხება Brent-ის მარკის ნავთობის ფასს, თებერვლის ფიუჩერსების ფასი 7,96%-ით გაიზარდა და ბარელზე 54,84 აშშ დოლარი შეადგინა.

ბოლო დღეების განმავლობაში, ნავთობის მსოფლიო ფასებზე გავლენა იქონია აშშ-ის ფედერალური სარეზერვო სისტემის საბაზისო განაკვეთის გაზრდამ. ასე ფიქრობს “როსნეფტის” მთავარი აღმასრულებელი დირექტორი იგორ სეჩინი. მისი პროგნოზით, 2019 წელს ნავთობის ფასი ბარელზე 50-53 აშშ დოლარი იქნება.

“ლუკოილის” პრეზიდენტმა ვაგიტ ალეკპეროვმა კი განაცხადა, რომ კომპანია, მომავალი წლისთვის, ნავთობის შესყიდვას ბარელზე 60 აშშ დოლარით ელოდება. მისი მოსაზრებით, ამჟამინდელი დაბალი ფასები ნავთობზე 2019 წლისთვის დაკორექტირდება.

Comments
Loading...