TBC: თუ ხარ 18 წლის, შენ უკვე გაქვს სპეციალურად შენთვის შექმნილი პირველი ბარათი

488

თუ ხარ 12-დან 18 წლამდე და ეძებ გართობას და თავგადასავალს, თიბისი სპეციალურად  შენთვის  ახალ  სივრცეს  ქმნის. 18  ის ადგილია, სადაც შენთვის და შენი მეგობრებისთვის ახალი  შესაძლებლობები იქმნება. საინტერესო გასართობი და შემეცნებითი ღონისძიებები, როგორც ონლაინ, ისე რეალურ სივრცეში – დეტალებს ამ ყველაფრის შესახებ სოციალური ქსელის მეშვეობით შეიტყობ, – აღნიშნულის შესახებ ინფორმაციას თიბისი ბანკი ავრცელებს.

"ბევრი ვიფიქრეთ, რა შეგვეთავაზებინა იმ მოზარდებისთვის, ვისაც გარკვეულ ღონისძიებებზე ასაკობრივი შეზღუდვა აქვს და ამავე დროს გასართობი ცენტრების ასაკშიც აღარაა. ერთგვარი ვაკუუმია მათთვის, ამიტომ გადავწყვიტეთ, ეს ვაკუუმი საინტერესო ამბებით შევავსოთ.  ჩვენ შევისწავლეთ მათი ცხოვრების რიტმი, ინტერესები და მოთხოვნები  და სწორედ ამის გათვალისწინებით დავგეგმეთ ყველაფერი.  თიბისი ბანკი იქნება იქ, სადაც არიან თინეიჯერები და მათი ცხოვრების წესს  ბუნებრივად  მოერგება," – ამბობს კოკა ქამუშაძე, თიბისი ბანკის მარკეტინგის გუნდის წარმომადგენელი. 

ყველაზე ბუნებრივი გზა ბანკთან ურთიერთობის დასაწყებად  პირველი ბარათია, რომელიც სპეციალურად სკოლის მოსწავლეებისთვის შეიქმნა.  იმისათვის, რომ მოსწავლემ ბარათი აიღოს, მშობლის თანხმობა და თიბისიში მოთხოვნის დაფიქსირებაა საკმარისი.

პირველი ბარათი განკუთვნილია, როგორც უნაღდო ანგარიშწორებისთვის, ისე თანხის გასანაღდებლად. იმ ადგილებში  კი,  სადაც ბავშვებს და თინეიჯერებს  გართობა და დასვენება უყვართ, ისინი ქეშბექებს და ფასდაკლებებს მიიღებენ, მაგალითად,  კინოთეატრებში, კვების ობიექტებში, გასართობ  ცენტრებსა თუ  მაღაზიებში. 

პირველი ბარათი არა მარტო მოსწავლეებიისთვის, არამედ მშობლებისთვისაც მოსახერხებელია. მათ შეუძლიათ მარტივად ჩაურიცოხონ შვილებს თანხა და ამავე დროს დაუწესონ ყოველდღიური ლიმიტი განაღდებასა თუ უნაღდო ანგარიშსწორებაზე. მშობლისთვის ხელმისაწვდომი  იქნება ამონაწერი ანგარიშიდან. ამას გარდა, მნიშვნელოვანია, რომ  პირველი  ბარათის  მეშვეობით  ტრანზაქციები ვერ განხორციელდება ისეთ ობიექტებში,  რომლებიც თავიანთი საქმიანობით შესაძლოა უარყოფით ზეგავლენას ახდენდენ  ბავშვებზე.

ბარათის დიზაინი პროექტ #წერექართულად თემაზეა შექმნილი. მეტი მოხერხებულობისთვის ბავშვებს  შეუძლიათ არჩევანი გააკეთონ პლასტიკურ ბარათსა და ფეისტიკერს შორის,  ერთერთი  პროდუქტის მიღება  თიბისის ფილიალებში და სერვისცენტრებში უფასოა.

Comments
Loading...