Apple ტესტავს iPhone-ის განბლოკვის ახალ მექანიზმს, რომლის დროსაც საჭირო არ იქნება პირბადის მოხსნა

6

აიფონის ზოგიერთ მომხმარებელს მალე შეეძლება სმარტფონების განბლოკვა საზოგადოებაში ნიღბების მოხსნის გარეშე. მხოლოდ ერთი დაჭერა იქნება საჭირო: ის Apple-ის დამატებით მოწყობილობას მოითხოვს.

Apple (AAPL) ტესტავს iOS- ის ახალ პროგრამულ უზრუნველყოფას, რომელიც ხალხს საშუალებას მისცემს განბლოკოს iPhone-ის სახის ამომცნობი უსაფრთხოების Face ID, თუკი ისინი Apple Watch-საც იყენებენ.

Face ID ამჟამად ცნობს, როდის არის ვინმე პირბადით და ამ შემთხვევაში უშვებს ეკრანს, რომელზეც პაროლი უნდა შეიყვანო.

მაგრამ უახლესი განახლება, რომელიც დეველოპერის ბეტა-ს ნაწილია, რომელიც, სავარაუდოდ, მალე გავრცელდება, iPhone-ს საშუალებას მისცემს დაუკავშირდეს სინქრონიზებულ Apple Watch- ს, როდესაც ტელეფონი მიიღებს Face ID-ს გამოყენების მოთხოვნას.

ავთენტიფიკაციის დასრულების შემდეგ (მოწყობილობები ახლოს უნდა იყოს), iPhone ავტომატურად იბლოკება და Apple Watch ვიბრირებს.

უსაფრთხოების მიზნით, განახლება მხოლოდ ტელეფონის განბლოკვისთვის იმუშავებს. მომხმარებლებს კვლავ დასჭირდებათ პაროლის შეყვანა Apple Pay-თ, App Store-ით ან iTunes-ით ტრანზაქციების განხორციელების შემთხვევაში, თუკი პირბადე უკეთიათ.

განახლება კიდევ ერთი ნაბიჯია პანდემიის დროს პირბადეების ტარების ხელშესაწყობად და Apple-ის მომხმარებლებისთვის პოტენციური წახალისება, შეიძინონ სმარტ საათები.

მიუხედავად იმისა, რომ Apple-ის უახლესი მობილური ოპერაციული სისტემა სექტემბერში ჩაეშვა, კომპანია მუდმივად აკეთებს განახლებებს შეცდომების გამოსასწორებლად, ან ახალი მახასიათებლების დანერგვისთვის.

Comments
Loading...