21 თებერვალი გიდების საერთაშორისო დღეა

33

21 თებერვალი გიდების საერთაშორისო დღეა. ტურიზმის ეროვნული ადმინისტრაციის ხელმძღვანელი მარიამ ქვრივიშვილი საქართველოში მოქმედ ყველა გიდს ულოცავს პროფესიულ დღეს. ამის შესახებ ინფორმაციას ტურიზმის ეროვნული ადმინისტრაცია ავრცელებს.

“თითოეულ გიდს გილოცავთ პროფესიულ დღეს და წარმატებულ საქმიანობას გისურვებთ. თქვენ უმნიშვნელოვანესი ფუნქცია გაკისრიათ, რომ ჩამოსულ უამრავ სტუმარს გააცნოთ ქვეყნის ულამაზესი კუთხეები, კულტურა , სამზარეულო, ღვინო და ქართული სტუმართმოყვარეობა. სწორედ თქვენზეა დამოკიდებული თუ რა შთაბეჭდილებით დატოვებენ ტურისტები საქართველოს. ჩვენ კი ჩვენის მხრივ მუდამ მზად ვართ მოვისმინოთ საჭიროებები და ჩვენი წვლილი შევიტანოთ თქვენს პროფესიულ განვითარებასა და წინსვლაში- თქვენთვის საინტერესო სხვადასხვა სასწავლო პროგრამების  შემოთავაზებითა თუ სხვა აქტივობების განხორციელებით.

თქვენ ხართ ჩვენი ქვეყნის მთავარი მასპინძლები, ვიმედოვნებ ერთად ბევრს მივაღწევთ, რომ ღირსეულად ვუმასპინძლოთ სტუმრებს და საქართველოში მრავალჯერ დაბრუნების სურვილი გავუჩინოთ. კიდევ ერთხელ გილოცავთ გიდების საერთაშორისი დღეს და გისურვებთ წარმატებებს!”, – განაცხადა მარიამ ქვრივიშვილმა.

Comments
Loading...