“ჯორჯიან უოთერ ენდ ფაუერი” თბილისის მოსახლეობას ყოველკვირეულ ანგარიშს აბარებს

312

"ჯორჯიან უოთერ ენდ ფაუერი" პეკინის გამზირზე, წყალმომარაგების სისტემის თანამედროვე სტანდარტების შესაბამისად, სრულ განახლებას აქტიურად აგრძელებს.  სამუშაოები ინტენსიურად, გეგმის სრული დაცვით მიმდინარეობს, – აღნიშნულის შესახებ ინფორმაციას კომპანია "ჯორჯიან უოთერ ენდ ფაუერი" ავრცელებს.

კომპანიამ, მიმდინარე კვირაში, მასშტაბური განახლების  პირველი ეტაპი დაასრულა – მოეწყო 1 კმ სიგრძის ტრანშეა და  წყალსადენის 1 კმ სიგრძის ახალი  ქსელი ჩალაგდა. წყალსადენის 160 მმ-იანი ახალი ქსელის 150 მეტრი სიგრძის მონაკვეთი უკვე გადაერთდა და ექსპლუატაციაში შევიდა.

ამჟამად, წყალსადენის ახალ ქსელზე განშტოებების მოწყობა,  ქსელის ექსპლუატაციაში გასაშვებად მომზადება და ტესტირება მიმდინარეობს. "ჯორჯიან უოთერ ენდ ფაუერი" სამუშაოებს, მსოფლიოს  წამყვანი გერმანული  კომპანიის RRT Ingenieurburo Weidt-ის ექსპერტებთან ერთად ატარებს.

26 ივნისს, "ჯორჯიან უოთერ ენდ ფაუერმა" ტექნოპარკში, კრეათონის შედეგები შეაჯამა და  გამარჯვებული გუნდები გამოავლინა. 

პროექტში მონაწილეობა, თბილისის სახელმწიფო უნივერსიტეტის, ქუთაისის სახელმწიფო უნივერსიტეტის, კოლეჯი ,"სპექტრის", ასევე სან დიეგოს, ტექნიკური და აგრარული უნივერსიტეტების  სტუდენტებმა მიიღეს.

ჟიურიმ ოთხი  საუკეთესო, ინოვაციური იდეის მქონე გამარჯვებული გუნდი ფულადი პრემიით დააჯილდოვა.  გამარჯვებულები კომპანიაში სტაჟირების პროგრამას გაივლიან, შემდგომი დასაქმების პერსპექტივით. ყველა სხვა მონაწილეს კი დიპლომი გადაეცა.

რაც შეეხება gwp-ის სხვა სამუშაოებს:

გლდანის რაიონში: ავჭალა 1-ის  სამხედრო დასახლებაში, სარეაბილიტაციო სამუშაოები დაიწყო – წყალსადენის ქსელის 7,5 კმ სიგრძის მონაკვეთი ახლით იცვლება.

სამგორის რაიონში: ვარკეთილის III მასივის I კვარტალში, მე-5 კორპუსის მიმდებარედ, სარეაბილიტაციო სამუშაოები დასრულების ეტაპზეა – 110 მმ-იანი წყალსადენის ქსელის 120 მეტრი სიგრძის მონაკვეთი ახლით იცვლება.

ვარკეთილი 3-ის, I მრ-ს მე-6 კორპუსის მიმდებარედ სარეაბილიტაციო სამუშაოები ბოლო ეტაპზეა, წყალსადენის 110 მმ-იანი ქსელის 120 მეტრი სიგრძის მონაკვეთი ახლით იცვლება. ხოლო მე-14 კორპუსის მიმდებარედ, სარეაბილიტაციო სამუშაოები აქტიურ ფაზაშია, წყალსადენის ქსელის 200 მეტრი სიგრძის მონაკვეთი ახლით იცვლება.

მთაწმინდის რაიონში, მთაწმინდის ქუჩაზე, სარეაბილიტაციო სამუშაოები აქტიურ ფაზაშია – წყალსადენის 200 მეტრი სიგრძის მონაკვეთი ახლით იცვლება.

ისნის რაიონში, მამკოდის ქუჩაზე სარეაბილიტაციო სამუშაოები დასრულდა – წყალსადენის ქსელის 370 მეტრი სიგრძის მონაკვეთი ახლით შეიცვალა.

ვაკის რაიონში, წყნეთში, ჩოლოყაშვილის მეოთხე ჩიხში  სარეაბილიტაციო სამუშაოები დასრულდა,  წყალსადენის ქსელის 290 მეტრი სიგრძის მონაკვეთი ახლით შეიცვალა.

ნაძალადევის რაიონში, თბილისის ზღვის მიმდებარედ, სარეაბილტაციო სამუშაოები დასრულდა, წყალსადენის ქსელის 325 მეტრი სიგრძის მონაკვეთი ახლით შეიცვალა.

2017 წლის მანძილზე კომპანია "ჯორჯიან უოთერ ენდ ფაუერი" სარეაბილიტაციო სამუშაოებს თბილისის 200 ქუჩაზე  განახორციელებს და 170 კმ-ზე მეტი ქსელი შეიცვლება.

Comments
Loading...