საქართველოს ბაზარზე RC Cola-ს კიდევ ერთი ახალი გემო გამოჩნდა

11

ამერიკულ გამაგრილებელ სასმელ RC Cola-სა და “ქართული ლუდის კომპანიის” 5 წლიანი წარმატებული თანამშრომლობის შედეგად, საქართველოს ბაზარზე RC Cola-ს კიდევ ერთი ახალი გემო გამოჩნდა. RC Cola მანგო მელონი, რომელიც რადიკალურად განსხვავებული გემური თვისებებით გამოირჩევა, მანგოსა და ნესვის არომატების ნაზავით შეიქმნა.

“ქართული ლუდის კომპანიაში” მიაჩნიათ, რომ RC Cola მანგო მელონი ამერიკულ ბრენდთან  მუშაობით მიღებული  წარმატებული გემოა, რომელსაც ქართველი მომხმარებელი ძალიან მალე შეიყვარებს და სწორი მარკეტინგული და PR კამპანიის ხარჯზე, RC Cola-ს ოჯახში ერთ-ერთი ყველაზე მოთხოვნადი პროდუქტი გახდება.

“მომხმარებლების კვლევამ, რომელიც სრულიად საქართველოს მოსახლეობაა, გვაჩვენა, რომ ძალიან უყვართ მრავალფეროვნება გემოებში. ამ ფონზე გადავწყვიტეთ, რომ ახალი გემო დაგვემატებინა. კვლევებმა გვიჩვენა, რომ ყველაზე მოთხოვნადი ჩვენს ბაზარზე ტროპიკული გემოებია. შესაბამისად შევქმენით მანგო მელონი, რაც არის მანგო და ნესვი. ყველაზე მეტი მოწონება სწორედ ამ მიმართულებამ დაიმსახურა და დარწმუნებულები ვართ, რომ ჩვენი მომხმარებელი სიახლეს პოზიტიურად მიიღებს”. –  აცხადებს “ქართული ლუდის კომპანიის” მარკეტინგის დირექტორი ნინო კუპრაშვილი.

მისი თქმით, RC Cola მანგო მელონი ყველა ტიპის მომხმარებელზე გათვლილი გაზიანი გამაგრილებელია სასმელია.

ბაზარზე ახალი პროდუქტის გამოტანის პარალელურად კომპანიაში ახალ გემოებზე მუშაობა უკვე მიმდინარეობს.

სს “ქართული ლუდის კომპანიაში” განმარტავენ, რომ RC Cola-ს მრავალფეროვანი სახეობები წარმოადგენენ მომხმარებლის ინდივიდუალური ცხოვრების სტილს, ხალისიანი და ენერგიით სავსე ფერებით.

RC Cola – კოლას გემოს მატარებელი გამაგრილებელი სასმელია, რომელიც 1905 წელს ამერიკის შეერთებულ შტატებში, შტატ ჯორჯიაში ფარმაცევტმა კლოდ ჰაჩერმა გამოიგონა.

საქართველოში ლეგენდარული ამერიკული სასმელი RC Cola-ს წარმოება 2016 წლიდან დაიწყო. სს “ქართული ლუდის კომპანია” RC-ს ოჯახიდან დღეისათვის ოთხი სახეობის სასმელს აწარმოებს, ესენია: RC Cola, RC Q ლემონ-ლაიმი, RC Q ორანჯი​ და RC Cola Coffee.

Comments
Loading...