მარნეულში ჰიპერმარკეტების ქსელ გორგიას ფილიალი – “გორგია ექსპრესი” გაიხსნა

486

სამშენებლო და სარემონტო მასალების კომპანია "გორგიამ" მარნეულში რიგით მე-7 ჰიპერმარკეტი გახსნა. ცერემონია მარნეულში, რუსთაველის 74-ში 14 ოქტომბერს, 14:00 საათზე გაიმართა.

ღონისძიება ჰიპერმარკეტ "გორგიას" მენეჯმენტთან ერთად, მარნეულის გუბერნატორმა და გორგიას დამფუძნებელმა გახსნეს. 2500 კვადრატულ მეტრზე განთავსებულ ჰიპერმარკეტში მომხმარებელს 40 000-მდე დასახელების პროდუქტის შეძენა საქართველოში ყველა დაბალ ფასად შეეძლება.

ჰიპერმარკეტის გახსნა მარნეულში სამშენებლო და სარემონტო მასალებზე გაზრდილმა მოთხოვნამ განაპირობა. ჰიპერმარკეტის მაღალი სტანდარტების შესაბამისად მოწყობაზე და ახალი კონცეფციის შექმნაზე ქართველ სპეციალისტებთან ერთად უცხოელი სპეციალისტებიც მუშაობდნენ. კომპანიის ინფორმაციით, ჰიპერმარკეტში 100-მდე ადამიანი დასაქმდა.

ჰიპერმარკეტების ქსელ "გორგიას" ფილიალები უკვე წარმოდგენილია შემდეგ ქალაქებში:

თბილისი (წერეთლის 140), თბილისი (გლდანი, ვეკუას 14), თელავი (ალაზნის 78), ქუთაისი (ჭავჭავაძის 8/4), ზუგდიდი (რუხი-მოლი), ბათუმი (სოხუმის 10).

Comments
Loading...