ლარი დოლართან მიმართებით 7.04 თეთრით გამყარდა – ხვალ ერთი დოლარი 3.15 ლარი ეღირება

10

3 ივნისის ვაჭრობის შედეგად ლარი გამყარდა. აშშ დოლართან მიმართებით კურსის ცვლილებამ 7.04 თეთრი შეადგინა, რის შედეგადაც დოლარის ოფიციალური ღირებულება 3.1524 ლარი გახდა. ეს მთელი 2021 წლის განმავლობაში დოლარის ყველაზე დაბალი ღირებულებაა.

მთელი დღის განმავლობაში Bloomberg-ის სისტემაში ლარი მკვეთრად მყარდებოდა და 17:00-ისთვის ის 3.11-მდეც შემცირდა, თუმცა როგორც ირკვევა ამ გარიგებების საშუალო კურსი 3.15 იყო, შესაბამისად ოფიციალური კურსიც ამ მაჩვენებელზეა. არ არის გამორიცხული ასეთი მკვეთრი გამყარება ბაზარზე განხორციელებულ რომელიმე მსხვილ ტრანზაქციას გამოეწვია.

სებ-ის ინფორმაციითვე, ეროვნული ვალუტა ევროსთან მიმართებით 8.13 თეთრით გამყარდა, შედეგად ერთი ევროს ოფიციალური ღირებულება 3.8425 ლარი გახდა.

დღესვე ლარი თურქული ლირის მიმართ 0.88 თეთრით გამყარდა, შედეგად მისი ღირებულება 0.3654 ლარი გახდა. ბრიტანული გირვანქა სტერლინგის საფასური კი 8.35 თეთრით შემცირდა და 4.4723 ლარს შეადგენს.

დღევანდელი ვაჭრობის შედეგად მიღებული კურსები, ხვალიდან, 4 ივნისიდან შევა ძალაში.

Comments
Loading...