კომპანია “ჯორჯიან უოთერ ენდ ფაუერი” სპეციალურ განცხადებას ავრცელებს

"ტემპერატურის ძლიერი ვარდნის გამო, ისნის რაიონში, წულუკიძის ქუჩაზე, მოედნის მიმდებარედ, კომპანია "ჯორჯიან უოთერ ენდ ფაუერის" 1000 მმ-იანი ფოლადის  წყალსადენის მაგისტრალური ქსელი დაზიანდა", – აღნიშნულის შესახებ კომპანია "ჯორჯიან უოთერ ენდ ფაუერი" იტყობინება.

 

როგორც გავრცელებულ განცხადებაშია აღნიშნული, ამ დროისთვის, ადგილზე მობილიზებულია ტექნიკური ბრიგადა და დაზიანების აღმოსაფხვრელად მოსამზადებელი სამუშაოები მიმდინარეობს. დაზიანების ადგილზე ტექნიკურ-აღდგენითი სამუშაოების პარალელურად, ქინძმარაულის მეორე შესახვევში და ჯავახეთის ქუჩაზე, სპეციალური ბრიგადები ევროსტანდარტის შესაბამის ჩამკეტ-მარეგულირებელ ურდულებს დაამონტაჟებენ, რაც მნიშვნელოვნად შეამცირებს მომავალში წყლის შეზღუდვის არეალს.

 

"ტექნიკურ-აღდგენითი სამუშაოების წარმოება, რამდენიმე საათის განმავლობაში, წყალსადენის ქსელის წყლისგან დაცლას მოითხოვს.

 

აღნიშნულთან დაკავშირებით, დღეს, 1-ელ თებერვალს 18:15 საათიდან, 2 თებერვლის, დილის,  09:00 საათამდე წყალმომარაგება შეზღუდული ექნება:

ისნის  რაიონში:

ბოგდან ხმელნიცკის, ბერი გაბრიელის ქუჩებს და შესახვევებს; ქინძმარაულის II შესახვევს; სამრეწველოს დასახლების I და II ქუჩებს; ციხისძირის, ნარგიზის, თეთრი წყაროს, დიდგორის, დოდაშვილის, მანავის, ბოლნისის, წულუკიძის და მიმდებარე ქუჩებს;

 

სამგორის რაიონში:

მოსკოვის გამზირს; ნაკადულის, ოცხელების და იუნკერების ქუჩებს;

 

დამატებით ინფორმაციას კომპანია Facebook Live-ის საშუალებით შეგატყობინებთ.

 

წყალმომარაგების სრულად აღდგენამდე, კომპანია „ჯორჯიან უოთერ ენდ ფაუერი“  მოსახლეობას წყალს ცისტერნით მიაწვდის.

 

დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, ფეისბუქისა და ვებგვერდის მეშვეობით – http://www.gwp.ge

 

„ჯორჯიან უოთერ ენდ ფაუერი“ დისკომფოტრისთვის ბოდიშს უხდის მომხმარებლებს და შეეცდება, სამუშაოების ჩატარება მოკლე დროში დაასრულოს", – აღნიშნულია გავრცელებულ განცხადებაში.