“კარფურის” ერთგულება საზოგადოებისადმი, რომელსაც ემსახურება

12

რამდენადაც პანდემია კვლავ მძვინვარებს და საზოგადოება ურთიერთდასახმარებლად ერთიანდება, ბიზნესების პასუხისმგებლობაც იმატებს – მომხმარებლები მათგან სოციალური პასუხისმგებლობის ფარგლებში კონკრეტულ ქმედებებს ელიან.

ბოლო რამდენიმე თვის განმავლობაში კორპორაციული სოციალური პასუხისმგებლობის მრავალი პრაქტიკული მაგალითი ვნახეთ. ორგანიზაციები დროულად გამოეხმაურნენ არსებულ გარემოებებს, შეძლებისდაგვარად ადაპტირდნენ და კიდევ უფრო მეტი მდგრადობისაკენ მნიშვნელოვანი ნაბიჯები გადადგეს. ეს ყოველივე კი განახორციელეს იმ საზოგადოების ცხოვრების პირობების გაუმჯობესების მცდელობისას, რომელსაც ემსახურებიან.

„კარფური,“ საქართველოში წარმოდგენილი კომპანია „მაჯიდ ალ ფუტაიმის“ მიერ, იმ ბრენდების მაგალითია, რომლებიც ძალიან აქტიურები არიან კორპორატიული სოციალური პასუხისმგებლობის მიმართულებით. მისი მრავალი კორპორაციული პასუხისმგებლობის პროექტები წარმატებული აღმოჩნდა გარემოს დაცვის კუთხით ცნობიერების ამაღლებისა და სოციალურად დაუცველთა დახმარების მიმართულებით.

ახლახანს, აღდგომის დღესასწაულთან დაკავშირებით, „კარფურმა“ გადაწყვიტა, კიდევ ერთხელ გაეხარებინა მომხმარებლები ამ განსაკუთრებული თარიღის მილოცვით. დღესასწაულზე, „კარფური საქართველოს“ გუნდმა ექიმებს, ექთნებს, მეხანძრეებს  და სხვა მოქალაქეებს სააღდგომო ნამცხვრები, პასკა გადასცა საჩუქრად. გუნდი ქუჩაში ბრენდირებული ღია ავტობუსით გადაადგილდებოდა და მოქალაქეებს უშუალოდ გადასცემდა საჩუქრებს, რამაც გამვლელებში სასიამოვნო გაოცება გამოიწვია და დღე კიდევ უფრო დასამახსოვრებელი გახადა.

„კარფურის“ ერთგულება საზოგადოებისადმი, რომელსაც ემსახურება, განსაკუთრებით ამ გლობალური კრიზისის დროს, კიდევ უფრო მნიშვნელოვანი გახდა, რადგან ამით კარფურმა ერთი სასიამოვნო დღე აჩუქა მოქალაქეებს, რომლებსაც ამჟამად უწყვეტი სტრესის ქვეშ უწევთ ცხოვრება და სცადა, სიხარული და ნათელი ფერები შეეტანა ნაცრისფერ რეალობაში.

აღდგომის დღესასწაულს გამარჯვების დღე, 9 მაისი მოჰყვა, როდესაც საქართველო მსოფლიო საზოგადოებასთან ერთად ფაშიზმზე გამარჯვებას აღნიშნავს. ამ დღესთან დაკავშირებით, „კარფურის“ გუნდი, შიდა ქართლის რწმუნებულ მამუკა საღარეიშვილთან და კასპისა და გორის მერებთან ერთად, შიდა ქართლში მცხოვრებ ვეტერანებს ეწვია და მათ ეს ისტორიული და უმნიშვნელოვანესი თარიღი მიულოცა საგანგებო საჩუქრების გადაცემით. „კარფური საქართველოს“ მხარდაჭერით და შიდა ქართლის სამხარეო ადმინისტრაციის ორგანიზებით რეგიონში მცხოვრებ თერთმეტივე მსოფლიო ომის მონაწილე ვეტერანს სასაჩუქრე კალათები გადაეცათ.

“კარფურისთვის, 9 მაისის მეორე მსოფლიო ომის ვეტერანებთან გატარება უკვე ერთგვარ ტრადიციად იქცა. ყოველ წელს, ჩვენ ვსტუმრობთ თბილისში და სხვადასხვა რეგიონში მცხოვრებ ვეტერანებს და ვულოცავთ მათ გამარჯვების დღეს. ეს არის ყველაზე მცირედი, რაც შეგვიძლია გავაკეთოთ ამ გმირებისთვის, ვაგრძნობინოთ, რომ გვახსოვს მათი თავდადება,” აღნიშნა „კარფურის“საზოგადოებასთან ურთიერთობის ხელმძღვანელმა, ნინო რამიშვილმა.

„კარფურის“ მიერ განხორციელებული კიდევ ერთი მნიშვნელოვანი ინიციატივა, UNDP Georgia-სთან ერთად, იყო ახლახანს მრავალჯერადი გამოყენების ჩანთების დარიგება მომხმარებლებისათვის ბრენდის ჰიპერმარკეტებში გარემოს დაცვის ხელშეწყობის მიზნით.

”შეამცირეთ პლასტიკური ნარჩენები გარემოს გადასარჩენად, ერთჯერადი პლასტიკური ჩანთების ჩანაცვლება ნიშნავს სამყაროს, ნაკლები პოლიეთილენის დაბინძურებით. გაათავისუფლეთ მდინარეები პოლიეთილენის ნარჩენებისგან, რომ გვქონდეს უკეთესი ხარისხის წყალი, რადგან წყალი სიცოცხლეა! #SaveEn Environment #SaveWater #EveryDropMatters,” – ესაა პროექტის მთავარი სლოგანი.

აღსანიშნავია, რომ „კარფურმა“ პირველმა შემოიტანა ადგილობრივი წარმოების მრავალჯერადად გამოყენებადი ჩანთა. მოგვიანებით, მან ასევე შემოიტანა მრავალჯერადი გამოყენების ჩანთები ბორბლებით, როგორც გარემოსდაცვითი კამპანიის ნაწილი.

ეს იყო კიდევ ერთი ნიშანდობლივი ნაბიჯი ბრენდის მხრიდან რომელმაც თავის ქსელში უკვე ჩაანაცვლა ერთჯერადი პლასტიკური პარკები კომპოსტირებადით და მომხმარებელს მრავალჯერადი გამოყენების ჩანთების მრავალფეროვანი არჩევანი შესთავაზა..

კამპანია „დააფასე გარემო“- 2018 წლის აპრილში დაიწყო და მიზნად ისახავდა „კარფურის“ მომხმარებლების ინფორმირებას ცელოფნის პარკების გარემოზე ზიანისა და მრავალჯერადი ჩანთების გამოყენების უპირატესობის შესახებ.

როგორც დამატებითი სტიმული, კარფურმა დააჯილდოვა ყველა მომხმარებელი, ვინც მრავალჯერადი ჩანთა გამოიყენა კამპანიის განმავლობაში.

სულ მილიონნახევარზე მეტი მომხმარებელი დაჯილდოვდა. ამ კამპანიის დაწყებამ კარფურის მაღაზიებში 80% -ით შეამცირა ერთჯერადი ჩანთების მოხმარება.

ფრანგული ბრენდი აქტიურად განაგრძობს სოციალური პასუხისმგებლობის პროექტების განხორციელებას საქართველოში, ისევე როგორც ყველა სხვა ქვეყანაში, სადაც ოპერირებს.  როგორც კომპანია, ცნობილი თავისი განსაკუთრებით მაღალი სოციალური პასუხისმგებლობით, რომელიც მუდმივად ხაზს უსვამს იმ საზოგადოებისადმი ერთგულებას, რომელსაც ემსახურება, „კარფური“ არ აპირებს შეჩერებას და მომავალში პარტნიორ ორგანიზაციებთან ერთად გააგრძელებს გარემოსდაცვით და სოციალურ საქმიანობას, ხალხისათვის კიდევ უფრო მეტი სარგებელისა და შესაძლებლობების შეთავაზებით.

Comments
Loading...