იოსელიანის ქუჩაზე საგზაო სამუშაოები მიმდინარეობს
ვაკის რაიონში გზების რეაბილიტაციის პროცესი გრძელდება. ამ დროისთვის, გზის საფარის მოწყობა სხვა მისამართებთან ერთად, იოსელიანის ქუჩაზეც მიმდინარეობს, სადაც გრუნტის გზაა.
ამ ქუჩაზე ასფალტის საფარი პირველად დაიგება. მოწესრიგდება 1595 კვ. მ ფართობის გზა, რაზეც გამგეობის ბიუჯეტიდან 98 896 ლარია გამოყოფილი. ადგილობრივ მცხოვრებლებს ვაკის რაიონის გამგებელი ნოდარ ტურძელაძე შეხვდა.
