დაქირავებით დასაქმებულთათვის აპრილის თვის 200 ლარიანი კომპენსაციის გაცემა დაიწყო

4

სსიპ დასაქმების ხელშეწყობის სახელმწიფო სააგენტოს ინფორმაციით, გრძელდება მოქალაქეების მიზნობრივი სოციალური დახმარების გაცემა, მათ შორის მოქალაქეებისთვის, რომლებმაც პანდემიის მე-2 ტალღის შედეგად დაკარგეს სამსახური.

დღეისათვის, 200 ლარიანი დახმარების აპრილის თვის ჩარიცხვა უკვე დაწყებულია, კომპენსაცია ჩაერიცხება 120 496 პირს, 24 099 200 ლარის ოდენობით.

დღეის მდგომარეობით, მარტის თვის 200 ლარიანი დახმარება ჩაერიცხა 130 683 პირს, 26 136 600 ლარის ოდენობით, თებერვლის თვის – 140 029 პირს, 28 005 800 ლარის ოდენობით. რაც შეეხება იანვრის თვეს, საკომპენსაციო თანხა ჩაერიცხა 106 389 პირს, 21 277 800 ლარის ოდენობით.

საქართველოს მთავრობის ანტიკრიზისული ეკონომიკური გეგმის ფარგლებში, 2021 წლის იანვრიდან, დაქირავებით დასაქმებული უმუშევრად დარჩენილი მოქალაქეები 6 თვის განმავლობაში ყოველთვიურად 200 ლარიან დახმარებას მიიღებენ.

Comments
Loading...