გერმანული CureVac-ის ვაქცინამ არასაკმარისი ეფექტიანობა აჩვენა

4

გერმანული ბიოფარმაცევტული კომპანიის, CureVac-ის მიერ შექმნილმა, კოვიდ-ინფექციის საწინააღმდეგო ვაქცინამ(CVnCoV) ჯერჯერობით მხოლოდ 47%-იანი ეფექტიანობა აჩვენა. ვაქცინის აღიარებისთვის საჭირო მინიმალური ზღვარი 50%-ია.

შუალედური გამოცდის მეორე ფაზის დასრულების შემდეგ, გერმანულმა კომპანიამ განაცხადა, რომ ვაქცინამ ვერ დააკმაყოფილა კრიტერიუმები, რომლებიც გამოცდის წარმატებულად აღიარებისთვისაა საჭირო. CureVac-ი ხაზს უსვამს, რომ გამოცდა წარიმართა უპრეცედენტო, კორონავირუსული ინფექციის სულ მცირე 13 ვარიანტის არსებობის პირობებში.

CVnCoV-ის გამოცდა ევროპის და ლათინური ამერიკის რამდენიმე ქვეყანაში მიმდინარეობდა და მასში 40 ათასამდე მოხალისე მონაწილეობდა.

კომპანიის ინფორმაციით, ვაქცინა უფრო ეფექტიანი იყო ახალგაზრდა მოხალისეებში, მაგრამ არა 60 წელზე უფროსი ასაკის ადამიანებში, რომლებიც COVID-19-ის უფრო მძიმე ფორმებით დაავადების რისკის ქვეშ არიან. ამასთან, CureVac-ი არ გამორიცხავს, რომ ვაქცინის გამოცდის საბოლოოდ დასრულების შემდეგ, ეფექტიანობის მაჩვენებელი შეიცვლება.

Comments
Loading...