აშშ Johnson & Johnson-ის ვაქცინით აცრას დროებით აჩერებს

7

აშშ-ის დაავადებათა კონტროლისა და პრევენციის ცენტრმა (CDC) და სასურსათო პროდუქტებისა და მედიკამენტების სანიტარული მეთვალყურეობის უწყებამ (FDA) შტატებს ურჩიეს, შეაჩერონ კორონავირუსის ინფექციის წინააღმდეგ კორპორაცია Johnson & Johnson-ის მიერ წარმოებული ვაქცინის გამოყენება.

Johnson & Johnson-ის ვექტორული ვაქცინა თებერვალში მოიწონეს აშშ-ში გამოსაყენებლად. გამოცდის შედეგად დაგინდა, რომ მისი ეფექტიანობა დაახლოებით 66% არის. კონკურენტი ვაქცინებისგან ის მნიშვნელოვნად განსხვავდება იმით, რომ სხეულში მისი შეყვანა მხოლოდ ერთხელ და არა ორჯერაა საჭირო.

CDC-მ განაცხადა, რომ 14 აპრილს მოიწვევს იმუნიზაციის პრაქტიკის მრჩეველთა კომიტეტის (ACIP) სხდომას და განიხილავს აღნიშნულ შემთხვევებს. თავის მხრივ კვლევას ატარებს FDA-იც.

12 აპრილისთვის აშშ-ში პრეპარატი გაკეთებული ჰქონდა 6 მილიონ 800 ათას ადამიანს, ნათქვამია FDA-ის ცნობაში. პრეპარატით აცრილ ექვს პაციენტ ქალს აღენიშნა თრომბის წარმოშობა. 10 აპრილს ევროპის მედიკამენტების სააგენტომ გამოაცხადა, რომ იკვლევს Johnson & Johnson-ით აცრის შემდეგ თრომბის გაჩენის ოთხ შემთხვევას.

ანალოგიური თანმდევი ეფექტის შედეგად შეფერხდა ბრიტანული AstraZeneca-ს პრეპარატით ვაქცინაცია. ამ შემთხვევაშიც გართულებების სარისკო ჯგუფს ქალები წარმოადგენენ. მთლიანობაში ისინი უფრო არიან მიდრეკილი თრომბისა და ავტოიმუნური დაავადებების გაჩენისკენ.

Comments
Loading...