ლიბერთი ბანკი "გლობალური ფულის კვირეულს" (Global Money Week) შეუერთდა

ლიბერთი ბანკი "გლობალური ფულის კვირეულს" (Global Money Week) შეუერთდა

ლიბერთი ბანკმა   "გლობალური ფულის კვირეულის" ფარგლებში  საქართველოს  სამ ქალაქში,   ზუგდიდში, ქუთაისსა და ოზურგეთში  ზოგადსაგანმანათლებლო სკოლებში შეხვედრები გამართა.

ბანკის რეგიონალური ფილიალების მმართველებმა მოსწავლეებს  საინტერესო პრეზენტაცია წარუდგინეს, რომლის მიზანია მომავალ თაობებში ფინანსური განათლების ამაღლება.

"ამ შეხვედრების მიზანი იყო მოსწავლეებისთვის შეგვექმნა ზოგადი წარმოდგენა ბანკზე, ფულზე და ფულის ხარჯვისა და დაგროვების თავისებურებებზე. ჩვენთვის სასიამოვნოა მოსწავლეების მხრიდან დაინტერესება საბანკო პროდუქტებისა და  მომსახურების შესახებ. ძალიან საინტერესოდ წარიმართა მათთან დიალოგი, რომელიც იმედს ვიტოვებთ მათ სამომავლოდ დაეხმარებათ საკუთარი ფინანსები გონივრულად მართონ", - განაცხადა გურიის რეგიონალური ფილიალის მმართველმა, გიორგი აბსარიძემ.

"გლობალური ფულის კვირეული" (Global Money Week) საერთაშორისო ორგანიზაცია Child and Youth Finance International-ის (CYFI) ინიციატივით ყოველწლიურად, მარტის თვეში მსოფლიოს მასშტაბით აღინიშნება. პროექტის მიზანია ახალგაზრდა თაობაში ფინანსური განათლების გავრცელება და საზოგადოებაში ფინანსური საკითხების გარშემო დიალოგის წახალისება.

აღნიშნული კვირეული საქართველოს ეროვნული ბანკის კოორდინირებით ტარდება და  წლევანდელი კვირეულის დევიზია "ფინანსური საკითხები მნიშვნელოვანია".

საქართველოს ბანკის უნივერსიტეტი სტუდენტების სტაჟირება-დასაქმების პროგრამას იწყებს

საქართველოს ბანკის უნივერსიტეტი სტუდენტების სტაჟირება-დასაქმების პროგრამას იწყებს

19 ივლისი, 2018

მთელი საქართველოს ბანკმა, საქართველოს ბანკის უნივერსიტეტთან ერთად სტუდენტების სტაჟირება/დასაქმების ხელშეწყობის პროგრამის დაწყების შესახებ განაცხადა. ამის შესახებ ინფორმაციას საქართველოს ბანკი ავრცელებს. პროგრამა ითვალისწინებს...