იაპონიაში, საერთაშორისო გამოფენაზე "FOODEX JAPAN 2018" ქართული ღვინის პრეზენტაცია გაიმართა

იაპონიაში, საერთაშორისო გამოფენაზე "FOODEX JAPAN 2018" ქართული ღვინის პრეზენტაცია გაიმართა

ქართული ღვინის კომპანიები კვების პროდუქტებისა და სასმელების 43-ე საერთაშორისო გამოფენაში "FOODEX JAPAN 2018" მონაწილეობენ, რომლებიც იაპონიის დედაქალაქ ტოკიოში 6-9  მარტს ტარდება. ინფორმაციას ამის შესახებ ტურიზმის ეროვნული ადმინისტრაცია ავრცელებს.

ღვინის ეროვნული სააგენტოსა და იაპონიაში საქართველოს საელჩოს  მხარდაჭერით, აღნიშნულ გამოფენაზე 10 ღვინის კომპანიაა წარმოდგენილი - "მეღვინეობა ვაზიანი", "მარანული", "დუგლაძეების ღვინის კომპანია", "შატო ნეკრესი", შპს "ქინძმარაული", "სარაჯიშვილი 1882", შპს "ალავერდი", "ქიმერიონი", "მოსმიერი" და "ჩელთი".

გამოფენის ოფიციალურ გახსნას საქართველოს სრულუფლებიანი და საგანგებო ელჩი იაპონიაში ლევან ცინცაძე დაესწრო.

გამოფენის ფარგლებში ქართული ღვინის სემინარი-პრეზენტაცია გაიმართა, რომელსაც ღვინის ეროვნული სააგენტოს მარკეტინგისა და საზოგადოებასთან ურთიერთობის დეპარტამენტის უფროსი ირაკლი ჩოლობარგია უძღვებოდა. სემინარს ღვინის თემაზე მომუშავე ჟურნალისტები, ღვინის იმპორტიორები, ექსპერტები, რესტორნებისა და სავაჭრო ქსელების წარმომადგენლები დაესწრნენ, მათ შორის იაპონიის სომელიეთა ასოციაციის პრეზიდენტი სატორუ მორი.

 პრეზენტაცია "საქართველო - ღვინის აკვანი" მოიცავდა ქართული ღვინის ისტორიისა და კულტურის 8-ათასწლიანი განვითარების მოკლე მიმოხილვას.

როგორც ირაკლი ჩოლობარგიამ აღნიშნა, იაპონელი ღვინის ექსპერტები დიდი ინტერესს გამოხატავენ ქართული ღვინის სტილებით და განსაკუთრებით - ქვევრის ღვინით.

"იაპონელი მომხმარებელი და ღვინის პროფესიონალები ბოლო რამდენიმე წელია დიდ ყურადღებას იჩენენ ქართული ღვინის მიმართ, რაც აისახა კიდეც მზარდ ექსპორტში. ღვინის ეროვნული სააგენტოს მარკეტინგული აქტივობები ამ ქვეყანაში მოიცავს როგორც დეგუსტაციებსა და გამოფენებში მონაწილეობას, ასევე იაპონელი ექსპერტების ვიზიტების დაგეგმვას საქართველოში, რათა მათ მიეცეთ შესაძლებლობა ადგილზე გაეცნონ ქართულ ღვინოს და მის კულტურას", - აღნიშნა ირაკლი ჩოლობარგიამ.

მიმდინარე წლის იანვარ-თებერვალში იაპონიაში ექსპორტის ზრდამ გასული წლის ანალოგიურ პერიოდთან შედარებით 213%-ითა გაიზრადა (44 292 ბოთლი).

"FOODEX JAPAN" 1976 წლიდან ტარდება და ის აზიაში ერთ-ერთ ყველაზე მასშტაბურ გამოფენად ითვლება. წელს გამოფენაზე 80 ათასამდე სტუმარს ელოდებიან.

გუდაურში ხელოვნური გათოვლიანების სისტემას იტალიური კომპანია "ტექნო ალპინი" დაამონტაჟებს

გუდაურში ხელოვნური გათოვლიანების სისტემას იტალიური კომპანია "ტექნო ალპინი" დაამონტაჟებს

17 საათის წინ

კურორტ გუდაურში იტალიური კომპანია ტექნო ალპინი ხელოვნური გათოვლიანების უახლეს სოსტემას დაამონტაჟებს. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს. ხელშეკრულებას ხელი კომპანიასა და მთის კურორტების...