სოფელ მარტყოფში თაბაშირის საწარმო გაიხსნება

სოფელ მარტყოფში თაბაშირის საწარმო გაიხსნება

სოფელ მარტყოფში საერთაშორისო სტანდარტების შესაბამისი თაბაშირის საწარმო გაიხსნება. საწარმოში 218 144 ლარის ინვესტიცია განხორციელდება და 12 ადამიანი დასაქმდება.

საწარმო წელიწადში სულ  მცირე 7530 ტონა პროდუქციის წარმოებას უზრუნველყოფს. თაბაშირის ან მის საფუძველზე დამზადებული პროდუქცია ძირითადად ქართულ ბაზარზე 35 კილოგრამიან ტომრებში გაიყიდება.

საქართველოს ეკონომიკისა და მდგრადი განვითარების სამინისტროს სსიპ - სახელმწიფო ქონების ეროვნულმა სააგენტომ  სახელმწიფო პროგრამის „აწარმოე საქართველოში“ ფარგლებში შპს "პარტნიორს" სახელმწიფო საკუთრებაში არსებული, გარდაბნის მუნიციპალიტეტის სოფელ მარტყოფში მდებარე 6 817 კვ.მ არასასოფლო-სამეურნეო დანიშნულების მიწის ნაკვეთი გადასცა.

შეგახსენებთ, რომ პროგრამა "აწარმოე საქართველოში" ფარგლებში, კერძოდ ინდუსტრიული, სოფლის მეურნეობის, სასტუმროს და ქონების გადაცემის კომპონენტის ფარგლებში მხარდაჭერილია 338 პროექტი, ინვესტიციის ჯამური მოცულობა 820 მლნ ლარს აღემატება, ხოლო დასაქმებულთა რაოდენობა 13 500–ზე მეტ ადამიანს შეადგენს.

კამპანია "სუფთა ჰაერი, უსაფრთხო მოძრაობა" რეგიონებშიც დაიწო

კამპანია "სუფთა ჰაერი, უსაფრთხო მოძრაობა" რეგიონებშიც დაიწო

18 საათის წინ

კამპანიამ "სუფთა ჰაერი, უსაფრთხო მოძრაობა" საგზაო უსაფრთხოების მიმართ საზოგადოებაში ცნობიერების ამაღლების მიზნით,  სტარტი თბილისში, 17 სექტემბერს აიღო კამპანიის ორგანიზატორები არიან არასამთავრობო ორგანიზაცია "სიდას" მიერ...