თურქეთში ელექტროენერგიით ვაჭრობის შესაძლებლობის ზრდის საკითხი განიხილეს

თურქეთში ელექტროენერგიით ვაჭრობის შესაძლებლობის ზრდის საკითხი განიხილეს

საქართველოსა და თურქეთს შორის ელექტროენერგიით ვაჭრობის შესაძლებლობის ზრდის საკითხი განიხილეს ეკონომიკისა და მდგრადი განვითარების მინისტრის მოადგილეებმა რომეო მიქაუტაძემ და გიორგი ჩიქოვანმა თურქ კოლეგებთან სამუშაო შეხვედრაზე, რომელიც თურქეთის ენერგეტიკისა და ბუნებრივი რესურსების სამინისტროში გაიმართა. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

აღნიშნული სამუშაო ჯგუფის შექმნის გადაწყვეტილება მიღებული იქნა რამდენიმე დღის წინ აზერბაიჯანში გამართულ შეხვედრაზე, რომლის დროსაც საქართველოს პირველი ვიცეპრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი და თურქეთის ენერგეტიკის და ბუნებრივი რესურსების მინისტრი ბერატ ალბარაიქი  შეთანხმდნენ ქვეყნებს შორის მნიშვნელოვანი ენერგეტიკული საკითხების გადასაწყვეტად.

მხარეებმა აღნიშნეს ქვეყნებს შორის ელექტროენერგიით ვაჭრობის მნიშვნელობაზე, რაც გულისხმობს როგორც  იმპორტ-ექსპორტ-ტრანზიტის პოტენციალის ზრდას, ასევე  ელექტროენერგიით მომარაგების მიწოდების საიმედოობის, ენერგეტიკული სისტემის სტაბილურობის და ენერგეტიკული ჰაბის ფუნქციის განვითარებას. მხარეები შეთანხმდნენ, რომ მომდევნო შეხვედრა შედგება მარტში, ქ. თბილისში.

ჯიპიაის "მცირე ბიზნესის მხარდაჭერის პროექტი" და სპეციალური შეთავაზება ღვინის მარნებს

ჯიპიაის "მცირე ბიზნესის მხარდაჭერის პროექტი" და სპეციალური შეთავაზება ღვინის მარნებს

17 საათის წინ

"ჯიპიაი ჰოლდინგმა" მცირე ბიზნესის განვითარების ხელშეწყობის მიზნით, კიდევ ერთი სოციალური პროექტი დაიწყო - "მცირე ბიზნესის მხარდაჭერის პროექტი", რომელიც გასული წლის "მცირე და საშუალო ბიზნესის განვითარების ხელშწყობის პროგრამის"...