ეკონომიკის სამინისტროს, ინოვაციების სააგენტოსა და "Frank Group" - ს შორის მემორანდუმი გაფორმდა

ეკონომიკის სამინისტროს, ინოვაციების სააგენტოსა და "Frank Group" - ს შორის მემორანდუმი გაფორმდა

ეკონომიკისა და მდგრადი განვითარების სამინისტროს საქართველოს ინოვაციების და ტექნოლოგიების სააგენტოსა და ებრაულ კომპანიას "Frank Group" - ს შორის თბილისის ტექნოპარკში ურთიერთთანამშრომლობის მემორანდუმი გაფორმდა. მემორანდუმის ხელმოწერის ცერემონიალს ისრაელის ელჩი საქართველოში ბატონი შაბთაი ცური (Shabtai Tsur) დაესწრო.

ურთიერთთანამშრომლობის მემორანდუმი შემდეგ საკითხებს აერთიანებს: გამოცდილების გაზიარება ინოვაციების, მეცნიერებისა და ტექნოლოგიების მიმართულებით; ერთობლივი აკადემიური და სამეცნიერო ღონისძიებების ორგანიზება და მათში მონაწილეობის მიღება (სემინარები, კონფერენციები, ფორუმები); ისრაელის ენჯელ/ვენჩურულ ინვესტორებსა და ფონდებთან დაკავშირება; სტარტაპებისთვის ფიჩინგსესიების მოწყობა; ქართველი სტარტაპებისთვის ისრაელის ბაზარზე შესვლის ხელშეწყობა და სხვა.

მემორანდუმის ხელმოწერის შემდეგ , "Frank Group"-ის ხელმძღვანელმა მრგვალი მაგიდის ფორმატში შეხვედრები ქართველ სტარტაპერებთან გამართა. სტუმარმა ახალგაზრდებს დეტალური ინფორმაცია მიაწოდა კომპანიის შესახებ და ჩვენს ქვეყანაში სამომავლო ინვესტიციების შესაძლებლობებიც განიხილა.

საერთაშორისო ჰოლდინგი "Frank Group" - ი 50 წლის წინ დაარსდა და მისი საქმიანობის ძირითადი მიმართულებებია მედიცინა, უძრავი ქონება, სამრეწველო ინდუსტრია, ტურიზმი და ვენჩურული დაფინანსება მაღალტექნოლოგიურ სფეროში.

კამპანიის "ძალა ევროპაშია" პირველი ევროტური კახეთში დასრულდა

კამპანიის "ძალა ევროპაშია" პირველი ევროტური კახეთში დასრულდა

9 საათის წინ

კოალიციის "ევრო-ატლანტიკური საქართველოსთვის" და "საერთაშორისო გამჭვირვალობა-საქართველოს" წარმომადგენლები კამპანიის "ძალა ევროპაშია" მხარდამჭერებთან და საზოგადოებისთვის ცნობილ სახეებთან ერთად კახეთის რეგიონს ესტუმრნენ.  ტურის...