"ახალგაზრდა ადვოკატები" კომპანია "Sinohydro Corporation Limited"-ის წინააღმდეგ სარჩელს შეიტანს

"ახალგაზრდა ადვოკატები" კომპანია "Sinohydro Corporation Limited"-ის წინააღმდეგ სარჩელს შეიტანს

2018 წლის 01 თებერვალს, ორგანიზაცია "ახალგაზრდა ადვოკატები" კომპანია "Sinohydro Corporation Limited"-ის წინააღმდეგ, თბილისის საქალაქო სასამართლოში, მიმდინარე მსხვილი საგზაო ინფრასტრუქტურული პროექტის - ქობულეთის შემოვლითი გზის  მშენებლობის ფარგლებში დაზარალებული მოქალაქის უფლებების აღსადგენად სარჩელს შეიტანს.

ამასთან, ორგანიზაცია საქართველოს მთელს ტერიტორიაზე მიმდინარე მსხვილი საგზაო ინფრასტრუქტურული პროექტების - სამტრედია-გრიგოლეთის 18,5 კილომეტრიანი და თბილისი-რუსთავის ჩქაროსნული გზის, ქობულეთის შემოვლითი გზის, ზესტაფონი-ქუთაისის შემოვლითი გზისა და რიკოთის უღელტეხილთან მისასვლელი გზის პროექტების (ზემო ოსიაური - ჩუმათელეთი) ტენდერებისა და მისი გამჭვირვალობის საკითხებთან დაკავშირებით, სამართლებრივი კვლევის დაწყებაზე განცხადებას გააკეთებს.

ორგანიზაციის  განცხადებით, დასახელებულ პროექტებში, საკითხის წინასწარი შესწავლის შემთხვევაში, იკვეთება სავარუდო დარღვევები, როგორც სამუშაოების შემსრულებელი კომპანიის, ასევე სახელმწიფოს მხრიდან. საქმე ეხება ტენდერებს, მათი ჩატარების კანონიერებასა და შემსრულებელი კომპანიის მხრიდან კონკრეტული სამუშაოების შესრულების პროცესში მთელ რიგ სავარაუდო დარღვევებს, რაც შეიძლება იყოს გარემოსთვის მიყენებული ზიანი, შრომითი უსაფრთხოების პირობების დარღვევა და მშენებლობების არეალში მცხოვრებ პირთა საკუთრების უფლების შელახვა.

ორგანიზაცია "ახალგაზრდა ადვოკატებმა" საქართველოში მიმდინარე მსხვილი საგზაო ინფრასტრუქტურული პროექტების განხორციელების სამართლებრივი მონიტორინგი 2018 წლის იანვარში დაიწყო და საკითხის კომპლექსური შესწავლის მიზნით უკვე მიმართა საქართველოს შრომის, ჯანმრთელობისა და სოციალური დაცვის, გარემოს დაცვისა და სოფლის მეურნეობის სამინისტროებსა და საავტომობილო გზების დეპარტამენტს.

კამპანია "სუფთა ჰაერი, უსაფრთხო მოძრაობა" რეგიონებშიც დაიწო

კამპანია "სუფთა ჰაერი, უსაფრთხო მოძრაობა" რეგიონებშიც დაიწო

13 საათის წინ

კამპანიამ "სუფთა ჰაერი, უსაფრთხო მოძრაობა" საგზაო უსაფრთხოების მიმართ საზოგადოებაში ცნობიერების ამაღლების მიზნით,  სტარტი თბილისში, 17 სექტემბერს აიღო კამპანიის ორგანიზატორები არიან არასამთავრობო ორგანიზაცია "სიდას" მიერ...