დიმიტრი ქუმსიშვილმა ბელარუსელი მაშველები დააჯილდოვა

დიმიტრი ქუმსიშვილმა ბელარუსელი მაშველები დააჯილდოვა

ბელარუსში ვიზიტის ფარგლებში, პირველმა ვიცე-პრემიერმა ეკონომიკისა და მდგრადი განვითარების მინისტრმა დიმიტრი ქუმსიშვილმა მონაწილეობა მიიღო 2017 წლის აგვისტოში  ბორჯომის ხანძრის სალიკვიდაციო სამუშაოებში მონაწილე ბელარუსელი მაშველების დაჯილდოებაში და რესპუბლიკის საგანგებო სიტუაციების მინისტრს ვლადიმერ ვაშჩენკოს პირველი ხარისხის მედალი "განსაკუთრებული დამსახურებისთვის", ხოლო  10 მაშველს სხვადასხვა ხარისხის მედლები გადასცა. აღნიშნულის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

პირველ ვიცე-პრემიერს ბელარუსის საგანგებო სიტუაციათა სამინისტროს სამოქალაქო დაცვის უნივერსიტეტში საპატიო დახვედრა მოუწყვეს.

პირველმა ვიცე-პრემიერმა და მისმა თანმხლებმა პირებმა დაათვალიერეს სასწავლებლის ლაბორატორიები და სიმულაციური აუდიტორიები, რომლებიც გათვლილია ყველა სახის საგანგებო მდგომარეობაზე. სტუმრები გაეცნენ ავტოსატრანსპორტო შემთხვევისა და ხანძრის იმიტაციურ წვრთნებს, დაათვალიერეს კრიზისული მართვის ცენტრების, მოდელირების, საინფორმაციო უზრუნველყოფის, კავშირგამბულობისა და სხვა სიმულაციური ლაბორატორიები.

დიმიტრი ქუმსიშვილმა სამახსოვრო ფოტო გადაიღო 2017 წლის აგვისტოში  ბორჯომის ხანძრის სალიკვიდაციო სამუშაოებში მონაწილე ბელარუსელ მფრინავებთან. საქართველოს პირველ ვიცე-პრემიერს მეგზურობას უწევდა ბელარუსის საგანგებო სიტუაციათა მინისტრი ვლადიმერ ვაშჩენკო.

გარემოს დაცვის ექსპერტის თქმით, ჰაერის მთავარი დამაბინძურებელი მშენებლობის მტვერია

გარემოს დაცვის ექსპერტის თქმით, ჰაერის მთავარი დამაბინძურებელი მშენებლობის მტვერია

20 ივლისი, 2018

არასამთავრობო ორგანიზაცია „ეკოხედვამ“ პარლამენტის სამუშაო ჯგუფისთვის ჰაერის დაბინძურების თემაზე მასშტაბური კვლევა ჩაატარა. შუალედური შედეგები უკვე ცნობილია. „ეკოხედვის“ ექსპერტი ნუგზარ ბუაჩიძე აცხადებს, რომ ჰაერის დაბინძურების...