Wipro საქართველოში მსხვილი სერვისცენტრის შექმნით არის დაინტერესებული

Wipro საქართველოში მსხვილი სერვისცენტრის შექმნით არის დაინტერესებული

საინფორმაციო ტექნოლოგიებისა და ბიზნესის მომსახურების სფეროში მსოფლიოში ერთ-ერთი ლიდერი კომპანია Wipro საქართველოში მსხვილი სერვისცენტრის შექმნით არის დაინტერესებული, საიდანაც მომსახურების ექსპორტს ევროკავშირის ქვეყნებში განახორციელებს, - ამის შესახებ საქართველოს პრემიერ-მინისტრმა გიორგი კვირიკაშვილმა და კომპანიის ვიცე-პრეზიდენტმა ჯასტინ დალალმა დღევანდელ შეხვედრაზე ისაუბრეს, რომელიც დავოსის მსოფლიო ეკონომიკური ფორუმის ფარგლებში გაიმართა.

შეხვედრისას გადაწყდა, რომ Wipro საქართველოში სპეციალურ ჯგუფს გამოაგზავნის, რომელიც ქვეყანაში არსებულ საინვესტიციო შესაძლებლობებს შეისწავლის.

პრემიერი კომპანიის ვიცე-პრეზიდენტს ესაუბრა საქართველოს საინვესტიციო პოტენციალზე, ქვეყანაში არსებულ სტაბილურ, ხელსაყრელ ბიზნესგარემოზე და ეკონომიკურ რეფორმებზე, რომლებიც ქვეყანაში მეწარმეობისა და ბიზნესის ხელშეწყობის მიზნით განხორციელდა.

გიორგი კვირიკაშვილმა ჯასტინ დალალს ასევე დეტალური ინფორმაცია მიაწოდა საერთაშორისო რეიტინგებში საქართველოს მოწინავე პოზიციებზე. აღინიშნა, რომ არაერთი ფაქტორის, მათ შორის ბიზნესისადმი მეგობრული გარემოსა და ხელასყრელი მდებარეობის გათვალისწინებით, საქართველოს აქვს რეგიონულ ჰაბად გარდაქმნის უდიდესი პოტენციალი.

ყოვლისმომცველი სერვისებით მსოფლიოში ერთ-ერთი ყველაზე აღიარებული კომპანია Wipro 6 კონტინენტზე ოპერირებს. დასაქმებული ჰყავს 170 ათასამდე თანამშრომელი. კომპანიის წლიურმა ბრუნვამ გასულ წელს 8 მილიარდ აშშ დოლარს გადააჭარბა.

20 ივნისს თბილისში საქართველოს მთავარი კრიპტო ღონისძიება ჩატარდება

20 ივნისს თბილისში საქართველოს მთავარი კრიპტო ღონისძიება ჩატარდება

19 ივნისი, 2018

20 ივნისს თბილისში საქართველოს მთავარი კრიპტო ღონისძიება, Blockchain & Bitcoin Conference Georgia 2018, ჩატარდება. კონფერენციის მიზანია, თითოეულ მონაწილეს კომპლექსურად გააცნოს ქვეყანაში არსებული კრიპტო ინდუსტრიის ეკონომიკური და სამართლებრივი...