საპარტნიორო ფონდი "ნენსკრა ჰიდროს" აქციონერი გახდა

საპარტნიორო ფონდი "ნენსკრა ჰიდროს" აქციონერი გახდა

საპარტნიორო ფონდი "ნენსკრა ჰიდროს" აქციონერი გახდა. "საპარტნიორო ფონდის" მენეჯმენტსა და K-Water-ის საპროექტო კომპანია "ნენსკრა ჰიდროს" წარმომადგენლებს შორის საქმიანი შეხვედრა შედგა.

ფონდის ინფორმაციით, საპარტნირო ფონდმა "ნენსკრა ჰესის" 20 ათასი აქცია შეიძინა და პროექტის 10%-მდე წილის მფლობელი გახდა.

სამუშაო შეხვედრის ფარგლებში გაფორმდა ოფიციალური დოკუმენტი სს "ნენსკრა ჰიდროს" აქციების სს "სპარტნიორო ფონდისათვის" გადაცემის განკარგულების შესახებ, რის საფუძველზეც სს "საპარტნიორო ფონდი" ოფიციალურად გახდა სს "ნენსკრა ჰიდროს" აქციონერი. დოკუმენტს ხელი "საპარტნიორო ფონდის" აღმასრულებელი დირექტორის მოადგილე ნათია თურნავამ და "ნენსკრა ჰიდროს" გენერალურმა დირექტორმა ბუონგ სეუბ ჩოიმ მოაწერეს.

"საპარტნიორო ფონდში" გამართულ შეხვედრაზე მხარეებმა ნენსკრას ჰიდროელექტროსადგურის მშენებლობის მიმდინარეობის შესახებ იმსჯელეს და პროექტის განხორციელების დეტალები განიხილეს. სამუშაო შეხვედრაზე აღნიშნეს, რომ ყველაზე მსხვილი საინვესტიციო პროექტის ნენსკრა ჰესის მშნებელობის პროცესი დაჩქარებული ტემპით გაგრძელდება.

280 მგვტ სიმძლავრის ნენსკრას ჰიდროელექტროსადგურს "საპარტნიორო ფონდი" პარტნიორ კორეულ კომპანია K-Water-თან ერთად სვანეთში, ენგურის შენაკადზე აშენებს, რომლის პოტენციური წლიური გამომუშავება 1 200.00 გგვტ.სთ იქნება. სადგური ელექტროენერგიის გამომუშავებას 2019 წლიდან დაიწყებს, ხოლო პროექტი საბოლოოდ 2021 წელს დასრულდება. მშენებლობას საერთაშორისო ტენდერში გამარჯვებული უმსხვილესი იტალიური კომპანია Salini Impregilo ქართულ კონტრაქტორ სამშენებლო კონსორციუმთან GCC ერთად ახორციელებს. პროექტის ჯამური ღირებულება 1 მლრდ აშშ დოლარია. საბანკო სესხის კომპონენტში ევროპის რეკონსტრუქციისა და განვითარების ბანკი (EBRD), აზიის განვითარების ბანკი (ADB) და კორეის განვითარების ბანკი (KDB) მონაწილეობენ.

წყარო bm.ge

"ვენდის" და "დანკინ დონატსის" უგემრიელეს ბურგერებსა და გამაგრილებელ სასმელებს Menu.ge უკვე ბათუმის სანაპიროზეც მოგართმევთ

"ვენდის" და "დანკინ დონატსის" უგემრიელეს ბურგერებსა და გამაგრილებელ სასმელებს Menu.ge უკვე ბათუმის სანაპიროზეც მოგართმევთ

2 საათის წინ

"ვენდი" და "დანკინ დონატსი" აგრძელებს თანამშრომლობას Menu.ge-სთან და თბილისის გარდა ახლა უკვე ბათუმში, ზღვის სანაპიროზეც შეგიძლიათ ამერიკული რესტორნების უგემრიელესი მენიუს მიღება უფასო კურიერული მომსახურებით. უგემრიელესი ბურგერებისა და...