მთავარი » ეკონომიკა » ეკატერინე მიქაბაძე ეკონომიკის მინისტრის მოადგილედ დაინიშნა
ეკატერინე მიქაბაძე ეკონომიკის მინისტრის მოადგილედ დაინიშნა
16:59 | 15 იანვარი, 2018

ეკატერინე მიქაბაძე ეკონომიკის მინისტრის მოადგილედ დაინიშნა

ეკონომიკისა და მდგრადი განვითარების მინისტრის მოადგილედ ეკატერინე მიქაბაძე დაინიშნა, რომელიც მანამდე ფინანსთა სამინისტროს მაკროეკონომიკური ანალიზისა და ფისკალური პოლიტიკის დაგეგმვის დეპარტამენტს ხელმძღვანელობდა. აღნიშნულის შესახებ შესაბამისს ინფორმაციას ეკონომიკისა და მდგრადი განვითარების სამინისტრო ავრცელებს.

ეკატერინე მიქაბაძე ასევე მუშაობდა საქართველოს ეროვნულ ბანკსა და სტატისტიკის სახელმწიფო სამსახურში საპასუხისმგებლო თანამდებობებზე. გარდა ამისა, ის ეწევა სამეცნიერო-პედაგოგიურ საქმიანობას.

ეკატერინე მიქაბაძეს ეკონომიკური მეცნიერებათა მაგისტრის ხარისხი იაპონიაში, ტოკიოს საერთაშორისო უნივერსიტეტში მიენიჭა.