სემეკმა წყალმომარაგების კომპანიების 2018-2020 წლების საინვესტიციო გეგმები შეითანხმა

სემეკმა წყალმომარაგების კომპანიების 2018-2020 წლების საინვესტიციო გეგმები შეითანხმა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) წყალმომარაგების სექტორში მოქმედი კომპანიების - შპს "ჯორჯიან უოთერ ენდ ფაუერის", შპს "მცხეთის წყალის" და შპს "რუსთავის წყალის" 2018-2020 წლებში განსახორციელებელი ინვესტიციები შეითანხმა.

კომისიასთან შეთანხმების შესაბამისად, შპს "ჯორჯიან უოთერ ენდ ფაუერის" 2018-2020 წლების საინვესტიციო მოცულობა შეადგენს 114.1 მილიონ ლარს. მათ შორის, შპს "ჯორჯიან უოთერ ენდ ფაუერის" 2018 წლის საინვესტიციო მოცულობა განისაზღვრა 52.9 მილიონი ლარით; 2019 წლის საინვესტიციო მოცულობა - 32.9 მილიონი ლარით, ხოლო 2020 წლის საინვესტიციო მოცულობა - 28.1 მილიონი ლარით.

შპს "რუსთავის წყალის" 2018-2020 წლის საინვესტიციო მოცულობა შეადგენს 8.9 მილიონ ლარს. კერძოდ,  შპს "რუსთავის წყალის" 2018 წელს განსახორციელებელი ინვესტიციები განისაზღვრა 3.4 მილიონ ლარით, 2019 წელს განსახორციელებელი ინვესტიციები - 2.9 მილიონ ლარით, ხოლო 2020 წელს განსახორციელებელი ინვესტიციები - 2.5 მილიონ ლარით.

შპს "მცხეთის წყალი" 2018-2020 წლებში 1.1 მილიონი ლარის ინვესტიციას განახორციელებს. კერძოდ, შპს "მცხეთის წყალის", 2018 წლის საინვესტიციო მოცულობა შეადგენს 380 ათას ლარს; 2019 წლის საინვესტიციო მოცულობა განისაზღვრა 352 ათასი ლარით, ხოლო 2020 წლის საინვესტიციო მოცულობა - 373 ათასი ლარით.

დაკორექტირდა წყალმომარაგების კომპანიების 2017 წლის საინვესტიციო მოცულობები. შპს "ჯორჯიან უოთერ ენდ ფაუერის" 2017 წლის საინვესტიციო მოცულობა განისაზღვრა 55.9 მილიონი ლარით; შპს "მცხეთის წყალის" 2017 წლის მოცულობამ შეადგინა 544 ათასი ლარი, ხოლო შპს "რუსთავის წყალის" 2017 წლის საინვესტიციო მოცულობამ - 4.2 მილიონი ლარი.

სოფელ ვაზისუბანში ყურძნის გადამამუშავებელი საწარმო აშენდება

სოფელ ვაზისუბანში ყურძნის გადამამუშავებელი საწარმო აშენდება

44 წუთის წინ

გურჯაანის მუნიციპალიტეტში, სოფელ ვაზისუბანში შპს "ვაზისუბნის მამული" ყურძნის გადამამუშავებელ საწარმოს ააშენებს, რისთვისაც სულ მცირე 2 500 000 ლარის ინვესტიციას განახორციელებს და ადგილობრივ მოსახლეობას დაასაქმებს. ამის შესახებ ინფორმაციას...