მიწისქვეშა გაზსაცავის მშენებლობისთვის გამოცხადებულ ტენდერში განაცხადი 8 კომპანიამ  წარადგინა

მიწისქვეშა გაზსაცავის მშენებლობისთვის გამოცხადებულ ტენდერში განაცხადი 8 კომპანიამ წარადგინა

მიწისქვეშა გაზსაცავის მშენებლობისთვის გარემოსა და სოციალური ზემოქმედების შეფასების საკონსულტაციო მომსახურების  შესყიდვაზე გამოცხადებულ ტენდერში განაცხადი 8 კომპანიამ  წარადგინა. აღნიშნულის შესახებ ინფორმაციას საქართველოს ნავთობისა და გაზის კორპორაცია ავრცელებს.

საქართველოს ნავთობისა და გაზის კორპორაციაში, 11 დეკემბერს საჯაროდ გაიხსნა  სამგორის სამხრეთ თაღზე მიწისქვეშა გაზსაცავის მშენებლობისთვის გარემოსა და სოციალური ზემოქმედების შეფასების საკონსულტაციო მომსახურების შესყიდვის ფარგლებში გამოცხადებულ წინასაკვალიფიკაციო ეტაპზე წარმოდგენილი შემოთავაზებები.

სატენდერო დოკუმენტაციით განსაზღვრულ ვადაში შემოთავაზება წარმოადგინა 8 კომპანიამ. ის კომპანიები, რომლებიც გადალახავენ ზემოაღნიშნულ ეტაპს მონაწილეობას მიიღებენ ტენდერის შემდგომ საფეხურზე, სადაც წარმოადგენენ თავიანთ ტექნიკურ და ფინანსურ შემოთავაზებებს ტექნიკური დავალების შესაბამისად.

საკონსულტაციო მომსახურების შესახებ ხელშეკრულების გაფორმება დაგეგმილია 2018 წლის გაზაფხულზე.

სს "საქართველოს ნავთობისა და გაზის კორპორაცია" გაზსაცავის სამშენებლო სამუშაოების დაწყებას 2018 წლის პირველ ნახევარში გეგმავს. მშენებლობის პირველ ეტაპზე გაბურღული იქნება ორი შემფასებელი ჭაბუღილი.  ჩატარებული სამუშაოების შედეგად მიღებული იქნება დამატებითი გეოლოგიური ინფორმაცია და დაზუსტდება საცავის ტექნიკური პარამეტრები. სამგორის სამხრეთი თაღის საბადოზე გაზსაცავის მშენებლობის დასრულება 2021 წლისთვის იგეგმება.

გაზსაცავის მშენებლობა განხორციელდება თბილისთან ახლოს სამგორის სამხრეთი თაღის დაცლილ, დამუშავებულ ნავთობის საბადოზე. პროექტის ღირებულება, წინასაწარი შეფასებებით, 250 მილიონ აშშ დოლარს გადააჭარბებს და მასში 300 მილიონ კუბურ მეტრამდე გაზის შენახვა იქნება შესაძლებელი.

გაზსაცავის მშენებლობით მნიშვნელოვნად გაიზრდება საქართველოს ენერგეტიკული  უსაფრთხოება. პროექტი უზრუნველყოფს ქვეყანაში გაზის მიწოდებასა და მოხმარებას შორის არსებული სეზონური დისბალანსის დარეგულირებას და  ზამთრის პერიოდში პიკური მოხმარების დაკმაყოფილებას და გარდა ამისა, მომწოდებელი ქვეყნების მიერ საქართველოსთვის გაზის მოწოდების დაუგეგმავი შეწყვეტის შემთხვევაში, შესაძლებელი იქნება ქვეყნის მომხმარებლების საცავიდან გაზის შეუფერხებლად მომარაგება.

სოფელ ვაზისუბანში ყურძნის გადამამუშავებელი საწარმო აშენდება

სოფელ ვაზისუბანში ყურძნის გადამამუშავებელი საწარმო აშენდება

1 საათის წინ

გურჯაანის მუნიციპალიტეტში, სოფელ ვაზისუბანში შპს "ვაზისუბნის მამული" ყურძნის გადამამუშავებელ საწარმოს ააშენებს, რისთვისაც სულ მცირე 2 500 000 ლარის ინვესტიციას განახორციელებს და ადგილობრივ მოსახლეობას დაასაქმებს. ამის შესახებ ინფორმაციას...