12 დეკემბერს სემეკი კომპანიების საინვესტიციო გეგმებს განიხილავს

12 დეკემბერს სემეკი კომპანიების საინვესტიციო გეგმებს განიხილავს

საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) 12 დეკემბრის საჯარო სხდომაზე განიხილავს ენერგეტიკისა და წყალმომარაგების სექტორებში მოქმედი კომპანიების მიერ სატარიფო განაცხადებით წარმოდგენილ, მომდევნო წლების საინვესტიციო გეგმებს. აღნიშნულის შესახებ ინფორმაციას სემეკი ავრცელებს.

კერძოდ, კომისია იმსჯელებს სს "საქართველოს სახელმწიფო ელექტროსისტემის', სს "საქრუსენერგოს", შპს "ენერგოტრანსის", შპს "ვარდნილჰესების კასკადის", შპს "ენგურჰესის"  მიერ მომდევნო წლებში განსახორციელებელი ინვესტიციების შესახებ.

ამავე სხდომაზე მოხდება შეთანხმება სს "თელასის", სს "ენერგო პრო ჯორჯიას", შპს "ჯორჯიან უოთერ ენდ ფაუერის", შპს "მცხეთის წყალის", შპს "რუსთავის წყალის" 2018-2020 წლების საინვესტიციო გეგმებზე.

ამასთანავე, კომისია იმსჯელებს საქართველოს ენერგოსისტემის ელექტრულ ქსელებში ელექტროენერგიის ნორმატიული დანაკარგების დამტკიცების შესახებ კომისიის აპარატის ელექტროენერგეტიკის დეპარტამენტის წარმოდგენილ პროექტზე.

სემეკში საჯარო სხდომა დაიწყება 10:00 საათზე. სხდომა საჯაროა და დასწრება შეუძლია ნებისმიერ დაინტერესებულ პირს. სხდომის დღის წესრიგი სრულად განთავსებულია სემეკის ვებ გვერდზე: www.gnerc.org

კამპანია "სუფთა ჰაერი, უსაფრთხო მოძრაობა" რეგიონებშიც დაიწო

კამპანია "სუფთა ჰაერი, უსაფრთხო მოძრაობა" რეგიონებშიც დაიწო

16 საათის წინ

კამპანიამ "სუფთა ჰაერი, უსაფრთხო მოძრაობა" საგზაო უსაფრთხოების მიმართ საზოგადოებაში ცნობიერების ამაღლების მიზნით,  სტარტი თბილისში, 17 სექტემბერს აიღო კამპანიის ორგანიზატორები არიან არასამთავრობო ორგანიზაცია "სიდას" მიერ...