დიმიტრი ქუმსიშვილმა და ჩინეთის კომერციის მინისტრის მოადგილემ მემორანდუმს მოაწერეს ხელი

დიმიტრი ქუმსიშვილმა და ჩინეთის კომერციის მინისტრის მოადგილემ მემორანდუმს მოაწერეს ხელი

საქართველოს პირველმა ვიცეპრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა და ჩინეთის სახალხო რესპუბლიკის კომერციის მინისტრის მოადგილემ ციენ ქემინგმა თბილისის აბრეშუმის გზის ფროუმის ფარგლებში ხელი მოაწერეს საქართველოსა და ჩინეთის სახალხო რესპუბლიკას შორის ეკონომიკური ზონებს განვითარებისა და სამეწარმეო სიმძლავრეების ხელშეწყობის სფეროში თანამშრომლობის შესახებ ურთიერთგაგების მემორანდუმს.

მემორანდუმი მიზანია ორმხრივი ეკონომიკური და სავაჭრო ურთიერთობების შემდგომი განვითარება ვაჭრობის სფეროში თანამშრომლობის, ინვესტიციებისა და საწარმოო შესაძლებლობების გაუმჯობესების გზით. ასევე საწარმოებისთვის თანამშრობლობის პლატფორმის მშენებლობა და სამრეწველო კლასტერების გაძლიერება.

როგორც საქართველოს პირველმა ვიცე პრემიერმა აღნიშნა, 2017 წლის მაისში ხელი მოეწერა  ჩინეთთან თავისუფალი ვაჭრობის შეთანხმებას, ამის შემდეგ ჩინეთის ვიცე-პრემიერთან მოხდა შეთანხმება, რომ ორი ქვეყანა იმუშავებდა ერთობლივი ინდუსტრიული ტექნოლოგიური და ინოვაციური ზონების განვითარებაზე.

"სწორედ დღეს ჩვენ მოვაწერეთ აღნიშნულ დოკუმენტს, რომლის ძირითადი ამოცანაა, რომ ორმა სახელმწიფომ ხელი შეუწყოს უკვე საქართველოს ტერიტორიაზე ასეთი ზონების შექმნას და შესაბამისად უკვე ინდუსტრიული სიმძლავრეების ჩინეთიდან გადმოტანას ან ახალი ინდუსტრიული სიმძლავრეების შექმნას", - აღნიშნა დიმიტრი ქუმსიშვილმა.

ეკონომიკურ ზონებში სამრეწველო შესაძლებლობების თანამშრომლობის ძირითადი სფეროები  შემდეგ მიმართულებებს მოიცავს: სამშენებლო მასალები, ელექტროენერგია, ქიმიკატები, ტექსტილი, კომუნიკაციები, ავტომექანიკა,  სამანქანო დანადგარები, სოფლის მეურნეობა, ხე-ტყე, ტექსტილი, ტექნოლოგიური კვლევა და განვითარება და ვაჭრობის ლოგისტიკა. ასევე მხარეების შეთანხმების შემთხვევაში განისაზღვრება თანამშრომლობის სხვა სფეროებიც.

ამასთან, როგორც შეხვედრისას აღინიშნა, ჩინეთის მხარე მზადაა, საქართველოს გაუზიაროს მისი წარმატებული გამოცდილება სპეციალური ეკონომიკური ზონებისა და ეკონომიკური და ტექნოლოგიური განვითარებს ზონების შესახებ, ასევე მხარი დაუჭიროს ქართველი პერსონალის სწავლებას.

დღეს თბილისში აბრეშუმის გზის ფორუმი გაიხსნა, რომელსაც 34 ოფიციალური დელეგაცია და 60-ზე მეტი ქვეყნის 2000-მდე დელეგატი ესწრება. ფურუმში მონაწილეობის მისაღებად თბილისში იმყოფებიან უკრაინის და მოლდოვის პრემიერ მინისტრები, რამდენიმე ქვეყნის ვიცე პრემიერები, სხვა მაღალი თანამდებობის პირები, დიპლომატიური კორპუსების და საერთაშორისო ორგანიზაციების წარმომადგენლები, ასევე საერთაშორისო რანგის ექსპერტები და ჟურნალისტები.

ჯიპიაის "მცირე ბიზნესის მხარდაჭერის პროექტი" და სპეციალური შეთავაზება ღვინის მარნებს

ჯიპიაის "მცირე ბიზნესის მხარდაჭერის პროექტი" და სპეციალური შეთავაზება ღვინის მარნებს

21 ივნისი, 2018

"ჯიპიაი ჰოლდინგმა" მცირე ბიზნესის განვითარების ხელშეწყობის მიზნით, კიდევ ერთი სოციალური პროექტი დაიწყო - "მცირე ბიზნესის მხარდაჭერის პროექტი", რომელიც გასული წლის "მცირე და საშუალო ბიზნესის განვითარების ხელშწყობის პროგრამის"...