გიორგი კვირიკაშვილმა და EBRD-ის ვიცეპრეზიდენტმა თანამშრომლობის საკითხები განიხილეს

გიორგი კვირიკაშვილმა და EBRD-ის ვიცეპრეზიდენტმა თანამშრომლობის საკითხები განიხილეს

საქართველოსა და ევროპის რეკონსტრუქციისა და განვითარების ბანკის (EBRD) აქტიური თანამშრომლობა, EBRD-ის მხარდაჭერით განხორციელებული პროექტები და სამომავლო გეგმები განიხილეს საქართველოს პრემიერ-მინისტრმა გიორგი კვირიკაშვილმა და EBRD-ის ვიცე-პრეზიდენტმა ალან პილუმ შეხვედრაზე, რომელიც დღეს მთავრობის ადმინისტრაციაში გაიმართა. აღნიშნულის შესახებ ინფორმაციას მთავრობის ადმინისტრაცია ავრცელებს.

პრემიერმა საუბრისას ხაზი გაუსვა ევროპის რეკონსტრუქციისა და განვითარების ბანკთან არსებულ პარტნიორობას, რომელიც, ბოლო ოთხი წლის განმავლობაში განსაკუთრებით განვითარდა. აღინიშნა, რომ EBRD-ისგან მიღებული მხარდაჭერის მასშტაბით ერთ სულ მოსახლეზე, საქართველო ლიდერია და ევრობანკს საქართველოს როგორც საჯარო, ისე კერძო სექტორებთან თანამშრომლობის საკმაოდ დატვირთული დღის წესრიგი აკავშირებს.

შეხვედრისას, საუბარი შეეხო EBRD-ის სტრატეგიას საქართველოსთან დაკავშირებით. აღინიშნა, რომ ის თანხვედრაშია მთავრობის ოთხპუნქტიანი რეფორმების გეგმასთან, რომელიც სწრაფი ეკონომიკური ზრდის უზრუნველყოფას, ქვეყნის სივრცით მოწყობას, განათლების სისტემისა და მმართველობის რეფორმას გულისხმობს.

ყურადღება დაეთმო საქართველოს მიღწევებს ინსტიტუციური და სტრუქტურული რეფორმების განხორციელების მიმართულებით, ასევე - საერთაშორისო რეიტინგებში ქვეყნის მოწინავე პოზიციებს.

მხარეებმა ასევე ისაუბრეს EBRD-ის ინიციატივით შექმნილი პლატფორმის - ინვესტორთა საბჭოს შესახებ, რომელიც კერძო სექტორის აქტიური ჩართულობით, მათთვის მნიშვნელოვან საკითხებზე მსჯელობას ისახავს მიზნად.

საქართველოს პრემიერ-მინისტრმა EBRD-ს მადლობა გადაუხადა "აბრეშუმის გზის ფორუმის" პარტნიორობისთვის, რომელიც თბილისში 28-29 ნოემბერს გაიმართება.

გარემოს დაცვის ექსპერტის თქმით, ჰაერის მთავარი დამაბინძურებელი მშენებლობის მტვერია

გარემოს დაცვის ექსპერტის თქმით, ჰაერის მთავარი დამაბინძურებელი მშენებლობის მტვერია

5 საათის წინ

არასამთავრობო ორგანიზაცია „ეკოხედვამ“ პარლამენტის სამუშაო ჯგუფისთვის ჰაერის დაბინძურების თემაზე მასშტაბური კვლევა ჩაატარა. შუალედური შედეგები უკვე ცნობილია. „ეკოხედვის“ ექსპერტი ნუგზარ ბუაჩიძე აცხადებს, რომ ჰაერის დაბინძურების...