თიბისი არტ გალერეაში ქეთევან ფერაძის ნამუშევრების გამოფენა-გაყიდვა გაიხსნა

თიბისი არტ გალერეაში ქეთევან ფერაძის ნამუშევრების გამოფენა-გაყიდვა გაიხსნა

ექსპოზიციაზე წარმოდგენილია მხატვრის მიერ 2016-2017 წლებში შექმნილი ნამუშევრები, მათ შორის  23 სურათი, ობიექტი და ინსტალაცია. პროექტი ერთგვარი მოწოდებაა კაცობრიობისთვის, რომ გავუფრთხილდეთ და მოვუაროთ დედამიწას. ამის შესახებ ინფორმაციას თიბისი ბანკი ავრცელებს.

ქეთევეან ფერაძე ნამუშევრების შესაქმნელად სხვადასხვა მასალას იყენებს, მათ შორის: ხეს, მინას, რკინას, ვერცხლს, ბრინჯაოს, სპილენძისა და ალუმინის ფხვნილებს. ასევე, ნატურალურ პიგმენტებს - ფირუზს, მალაქიტს;  განგის, წითელი ზღვის, ურეკის და ზანზიბარის ქვიშას.

"ჩვენი დედამიწა, TERRA MATER  - ერთადერთი ცოცხალი და მგრძნობიარე ორგანიზმია ამ უკიდეგანო სამყაროში... ჩემი ახალი პროექტი TERRA MATER - სივრცობრივი კომპოზიციაა, სადაც შეგნებულად გამოვიყენე მიწის გულიდან ამოღებული სიმდიდრე და კიდევ ერთხელ ვთქვი: გავუფრთხილდეთ და მოვუაროთ დედას...",  - ქეთევან ფერაძე.

ქეთევან ფერაძის ნამუშევრების უმრავლესობა შესრულებულია ქსოვილებზე, ასევე გრაფიკაში. მას მონაწილეობა აქვს მიღებული სხვადასხვა პერსონალურ და ჯგუფურ გამოფენაში როგორც თბილისში, ისე ჰელსინკში, გიოტებორგსა და მოსკოვში. დაამთავრა თბილისის სახელმწიფო სამხატვრო აკადემია. პროექტს TERRA MATER თიბისი არტ გალერეა 2018 წლის 21 იანვრამდე უმასპინძლებს.

თიბისი-მ თედო რეხვიაშვილის ნიუ-იორკის სამხატვრო აკადემიაში სწავლის საფასურის ნაწილი დააფინანსა

თიბისი-მ თედო რეხვიაშვილის ნიუ-იორკის სამხატვრო აკადემიაში სწავლის საფასურის ნაწილი დააფინანსა

15 აგვისტო, 2018

თიბისი სტატუსმა ახალგაზრდა მხატვრის - თედო რეხვიაშვილის ნიუ-იორკის სამხატვრო აკადემიაში სწავლის საფასურის ნაწილი დააფინანსა. ბოლო დროს ხელოვანის მხარდასაჭერად სხვადასხვა ღონისძიება დაიგეგმა, მათ შორის გალერეაში „ვანდა“...