საბავშვო ევროვიზიის სამზადისი დასრულების სტადიაშია

საბავშვო ევროვიზიის სამზადისი დასრულების სტადიაშია

თბილისის ოლიმპიურ სასახლეში საბავშვო ევროვიზიის სამზადისი დასასრულს უახლოვდება. უკვე დაწყებულია მთავარი სცენის მონტაჟი, რის შემდეგაც მხოლოდ დეკორაციის დამონტაჟება დარჩება. აღნიშნულის შესახებ ინფორმაციას ტურიზმის ეროვნული სააგენტო ავრცელებს.

დღეს დაიწყო გენერალურ რეპეტიცია-კონცერტზე დასასწრები ბილეთების გაყიდვა, რომელიც 25 ნოემბერს, 19:00 საათზე, თბილისის ოლიმპიურ სასახლეში გაიმართება.

მსურველებს ბილეთების შეძენა 3, 5 და 10 ლარად, ელექტრონული სახით tkt.ge-ze და თბილისის საკონცერტო დარბაზის სალაროებში შეეძლებათ.

გენერალური რეპეტიცია ლაივ რეჟიმში მიმდინარეობს და ანალოგიურია მთავარი შოუსი, რომელიც 26 ნოემბერს გაიმართება.

რეპეტიცია-კონცერტზე მაყურებელს შესაძლებლობა ექნება პირველმა შეაფასოს 16 ქვეყნის კონკურსანტი. სწორედ ამ გენერალური რეპეტიციის მიხედვით, ყველა მონაწილე ქვეყანაში ჟიური აფასებს კონკურსანტებს, რომლის შედეგსაც მაყურებელი უკვე 26 ნოემბერს, პირდაპირ ეთერში იხილავს.

გარემოს დაცვის ექსპერტის თქმით, ჰაერის მთავარი დამაბინძურებელი მშენებლობის მტვერია

გარემოს დაცვის ექსპერტის თქმით, ჰაერის მთავარი დამაბინძურებელი მშენებლობის მტვერია

20 ივლისი, 2018

არასამთავრობო ორგანიზაცია „ეკოხედვამ“ პარლამენტის სამუშაო ჯგუფისთვის ჰაერის დაბინძურების თემაზე მასშტაბური კვლევა ჩაატარა. შუალედური შედეგები უკვე ცნობილია. „ეკოხედვის“ ექსპერტი ნუგზარ ბუაჩიძე აცხადებს, რომ ჰაერის დაბინძურების...