მთავარი » ეკონომიკა » წინასწარი შეფასებით, საქართველოს ეკონომიკურმა ზრდამ 5% შეადგინა
წინასწარი შეფასებით, საქართველოს ეკონომიკურმა ზრდამ 5% შეადგინა
11:48 | 30 ოქტომბერი, 2017

წინასწარი შეფასებით, საქართველოს ეკონომიკურმა ზრდამ 5% შეადგინა

საქსტატის წინასწარი შეფასებით, წინა წლის შესაბამის პერიოდთან შედარებით 2017 წლის სექტემბერში რეალური მთლიანი შიდა პროდუქტის ზრდის ტემპმა 5,0 პროცენტი შეადგინა, 2017 წლის III კვარტალში 4,4 პროცენტი, ხოლო 2017 წლის პირველი ცხრა თვის საშუალო რეალური ზრდა 4,7 პროცენტი დაფიქსირდა.

2017 წლის სექტემბერში ეკონომიკური ზრდა აღინიშნებოდა შემდეგ დარგებში: ელექტროენერგიის, აირისა და წყლის წარმოება და განაწილება, სასტუმროები და რესტორნები, დამამუშავებელი მრეწველობა, ვაჭრობა, მშენებლობა. დამატებული ღირებულების კლება დაფიქსირდა ტრანსპორტის დარგში.