გიორგი დონაძე: წელს იყო მეტი მონაწილე ქვეყანა, მეტი ფოლკლორი, მეტი მრავალფეროვნება!

გიორგი დონაძე: წელს იყო მეტი მონაწილე ქვეყანა, მეტი ფოლკლორი, მეტი მრავალფეროვნება!

ფესტივალმა 7 ქვეყნის ფოლკლორი გააერთიანა, რომელიც გრანდიოზული გალა კონცერტით "Black Sea Arena"-ზე დასრულდა.

შავი ზღვის ფოლკლორის საერთაშორისო ფესტივალი დასრულდა. მნიშვნელოვანია, რომ წელს ფესტივალს გურიასთან ერთად აჭარაც მასპინძლობდა.  ღონისძიებებმა  სტარტი 31 აგვისტოს ბათუმის საზაფხულო თეატრში აიღო და ურეკში გაგრძელდა, სადაც საუკეთესო ნომრები ქართულ ფოლკლორულ ჯგუფებთან ერთად  ფესტივალში მონაწილე  შემსრულებლებმა უკრაინიდან, სომხეთიდან, პოლონეთიდან, იტალიიდან და  თურქეთიდან წარმოადგინეს.

ფესტივალი, რომლის ავტორი და ორგანიზატორი ფოლკლორის სახელმწიფო ცენტრია,  Black Sea Arena-ს, "Check in Georgia"-ს, კულტურის სამინისტროსა და ოზურგეთის მუნიციპალიტეტის მხარდაჭერით წელს მეორედ იმართება და  ტრადიციული სახე მიიღო. ფესტივალმა 7 ქვეყნის ფოლკლორი გააერთიანა, რომელიც გრანდიოზული გალა კონცერტით "Black Sea Arena"-ზე დასრულდა.

"გალა კონცერტზე მრავალფეროვანი და საუკეთესო სანახაობა გველის", - ასე გვპირდებოდნენ ფესტივალის ორგნიზატორები და არც თუ უსაფუძვლოდ. "Black Sea Arena"-ს გრანდიოზულ სცენაზე ცეცხლოვანი შოუს ესპანელებმა დადგეს - ფლამენკოს შემსრულებელთა ჯგუფი "La Moneta &  Flamenco" სპეციალური სტუმრის სტატუსით სწორედ, ფესტივალის დასკვნით კონცერტზე წარსდგა მაყურებლის წინაშე.  მათ შეუერთდნენ საუკეთესო ფოლკლორული გუნდები პოლონეთიდან, უკრაინიდან, სომხეთიდან, თურქეთიდან, იტალიიდან, საქართველოდან და  თავიანთი ქვეყნის უნიკალური ხალხური ტრადიციები, სიმღერითა და ცეკვით შემოგვთავაზეს. საქართველოს წელს ანსამბლები „რუსთავი“ და „ბასიანი“ წარმოადგენდნენ.

ფესტივალს დიპლომატიურმა კორპუსმა ოფიციალური მხარდაჭერა გამოუცხადა და მის წარმატებულად ჩატარებაში დიდი წვლილი შეიტანეს იტალიის, თურქეთი, პოლონეთისა  და უკრაინის საელჩოებმა. სწორედ, მათივე ძალისხმევითა და მხარდაჭერით გაიზარდა მონაწილე ფოლკლორული ანსამბლების რაოდენობაც.

"შავი ზღვის ფოლკლორის საერთაშორისო ფესტივალი შარშან დავაფუძნეთ. ასეთი გადაწყვეტილება  ფოლკლორის სიყვარულმა  განაპირობა. საქართველო ფოლკლორული კულტურის ქვეყანაა. სურვილი გაგვიჩნდა ქართული სცენა სხვადასხვა ქვეყნის ფოლკლორისთვისაც დაგვეთმო და აქ, ჩვენთან მოგვეწვია ისინი.

პირველი ფესტივალი შარშან გაიმართა და საკმაოდ, დიდი ინტერესი გამოიწვია. 24 ანსამბლი, 400-მდე მონაწილე - ეს უკვე დიდი შედეგია. დასაწყისისთვის ძალიან კარგი იყო.  ძალისხმევას არ დავიშურებთ, რომ ფესტივალი ყოველ წელს უფრო დახვეწილი და უფრო ძლიერი გახდეს. ფესტივალი მშვენივრად დაიწყო და მშვენივრად გაგრძელდება საუკუნეები. წელს იყო მეტი მონაწილე ქვეყანა, მეტი ფოლკლორი, მეტი მრავალფეროვნება! მადლობა მინდა გადავუხადო ყველა იმ ქვეყანას, ყველა იმ ადამიანს, ვინც ჩამოვიდა ჩვენთან სტუმრად და ქართველებთან ერთად ეს ზეიმი მოაწყვეს", - აღნიშნა გიორგი დონაძემ.

ბათუმში სააგენტოს "აწარმოე საქართველოში" მომსახურების ცენტრი გაიხსნება

ბათუმში სააგენტოს "აწარმოე საქართველოში" მომსახურების ცენტრი გაიხსნება

11 საათის წინ

მიმდინარე წლის 17 აგვისტოს, ქალაქ ბათუმში, აჭარის ა/რ მთავრობის მხარდაჭერით, სააგენტოს "აწარმოე საქართველოში" მომსახურების ცენტრი გაიხსნება. ამის შესახებ ინფორმაციას ეკონომიკისა და მდგრადი განვითარების სამინისტრო...