ურთიერთთანამშრომლობის მემორანდუმი არჩევნებისთვის ადმინისტრაციული რესურსების გამოყენების შესახებ

ურთიერთთანამშრომლობის მემორანდუმი არჩევნებისთვის ადმინისტრაციული რესურსების გამოყენების შესახებ

ცენტრალურ საარჩევნო კომისიას, თავისუფალი და სამართლიანი არჩევნებისთვის უწყებათაშორის კომისიასა და ათ ადგილობრივ არასამთავრობო ორგანიზაციას შორის დღეს ურთიერთთანამშრომლობის მემორანდუმი გაფორმდა.

დოკუმენტზე ხელმომწერი მხარეები, საარჩევნო კოდექსში კონკრეტული მუხლების (45-ე, 48-ე, 49-ე მუხლები) ერთგვაროვან განმარტებაზე თანხმდებიან. მემორანდუმზე ხელმოწერით მხარეები ადასტურებენ, რომ წინასაარჩევნო აგიტაციასთან მიმართებაში, ასევე ადმინისტრაციული და სასამართლო საქმის წარმოების დროს მემორანდუმში მითითებული განმარტებებით იხელმძღვანელებენ.

"ეს გახლავთ ადმინისტრაციული რესურსების გამოყენების პრევენციის მიზნით შემუშავებული შეთანხმება, რომელიც უკვე ტრადიციად დამკვიდრდდა. რამდენიმე არჩევნებზე დავნერგეთ მსგავსი პრაქტიკა და შედეგიც სახეზეა. შემცირებულია ადმინისტრაციულ სამართალდარღვევათა ოქმების რაოდენობა, რომლებიც ამ ტიპის დარღვევების შემთხვევაში დგებოდა. შესაბამისად ეს არის ძალიან კარგი პრევენცია არსებული პრობლემების გადასაჭრელად და ბუნებრივია ამ თვითმმართველობის არჩევნებზეც მემორანდუმი ძალაშია", - განაცხადა თამარ ჟვანიამ მემორანდუმის ხელმოწერის შემდეგ ჟურნალისტებთან საუბრისას.

საარჩევნო პროცესში თავისუფალი და კონკურენტული გარემოს უზრუნველყოფის აუცილებლობაზე გააკეთა აქცენტი მემორანდუმზე საუბრისას  თავისუფალი და სამართლიანი არჩევნებისთვის უწყებათაშორისი კომისიის ხელმძღვანელმა თეა წულუკიანმაც. მისი თქმით „უწყებათაშორისი კომისიის მხრიდან ხელს ვაწერთ მემორანდუმში გაწერილ პრინციპებს და ვამბობთ, რომ ადმინისტრაციული რესურსის გამოყენების ფაქტებზე იქნება მკაცრი რეაგირება. ყველაფერი გაკეთდება იმისთვის, რომ პარტიებმა ისევე როგორც მერობისა და გამგებლობის კანდიდატებმა შეძლონ თავისუფალი კონკურენცია.".

მემორანდუმზე ხელმოწერა და ამით მის პრინციპებთან მიერთება შეუძლია იმ პარტიებსა და არასამთავრობო სექტორის წარმომადგენლებს, ვინც იზიარებს მემორანდუმის მუხლებში მითითებულ განმარტებებს. უკვე დღეს მემორანდუმს რესპუბლიკური პარტია შემოუერთდა.

ურთიერთთანამშრომლობის მემორანდუმი საარჩევნო ადმინისტრაციისა და არასამთავრობო ორგანიზაციების სამუშაო შეხვედრების საფუძველზე საარჩევნო სისტემების საერთაშორისო ფონდთან (IFES) თანამშრომლობით შემუშავდა. IFES-ი მსგავსი მემორანდუმის გაფორმებას უკვე ბოლო რამდენიმე საარჩევნო ციკლია უწევს ფასილიტაციას, რაც საარჩევნო პროცესებში ჩართული მხარეებისთვის თანაბარი პირობების უზრუნველყოფას ისახავს მიზნად.

დოკუმენტს ხელს აწერენ:

საქართველოს ცენტრალური საარჩევნო კომისია;     

თავისუფალი და სამართლიანი არჩევნებისთვის უწყებათაშორისი კომისია;

არასამთავრობო ორგანიზაციები:

საერთაშორისო გამჭვირვალობა - საქართველო;

საქართველოს ახალგაზრდა იურისტთა ასოციაცია;

სამართლიანი არჩევნებისა და დემოკრატიის საერთაშორისო საზოგადოება;

საერთო-სამოქალაქო მოძრაობა მრავალეროვანი საქართველო;

დემოკრატიისა და განვითარების ცენტრი;

სამოქალაქო კულტურის საერთაშორისო ცენტრი;

საზოგადოებრივი დამცველი;

სამოქალაქო საზოგადოების და დემოკრატიის განვითარების ცენტრი;

დემოკრატიულ ინიციატივათა საერთაშორისო ცენტრი;

ინსტიტუციური განვითარების და მონიტორინგის ცენტრი.

პოლიტიკური პარტია, რომელიც დღეს შემოუერთდა მემორანდუმს:

"საქართველოს რესპუბლიკური პარტია".

ქუთაისის საერთაშორისო აეროპორტიდან გდანსკის მიმართულებით რეგულარული ავიამიმოსვლა იწყება

ქუთაისის საერთაშორისო აეროპორტიდან გდანსკის მიმართულებით რეგულარული ავიამიმოსვლა იწყება

11 საათის წინ

2019 წლის 2 აპრილს ქუთაისის საერთაშორისო აეროპორტიდან გდანსკის მიმართულებით რეგულარული ავიამიმოსვლა დაიწყება. საპორტო ქალაქი გდანსკი იქნება რიგით მეოთხე მიმართულება, სადაც ქუთაისის საერთაშორისო აეროპორტიდან პოლონეთის მიმართულებით და...