მთავარი » ეკონომიკა » უკრაინული FRONT NEWS INTERNATIONAL "ახალი საქართველოს" ლიდერის გიორგი ვაშაძის ინტერვიუს აქვეყნებს
უკრაინული FRONT NEWS INTERNATIONAL "ახალი საქართველოს" ლიდერის გიორგი ვაშაძის ინტერვიუს აქვეყნებს
16:39 | 16 აგვისტო, 2017

უკრაინული FRONT NEWS INTERNATIONAL "ახალი საქართველოს" ლიდერის გიორგი ვაშაძის ინტერვიუს აქვეყნებს

უკრაინული გამოცემა, FRONT NEWS INTERNATIONAL "ახალი საქართველოს" ლიდერისა და "ინოვაციებისა და განვითარების ფონდის" ხელმძღვანელის, გიორგი ვაშაძის ინტერვიუს აქვეყნებს. ინტერვიუში, საუბარია საქართველოს ოკუპირებული ტერიტორიების -  აფხაზეთსა და სამხრეთ ოსეთთან დაკავშირებული პრობლემების საკუთარ ხედვაზე.

"პირველ რიგში, მიმაჩნია, რომ ძალიან მნიშვნელოვანია ქვეყანა  გაერთიანდეს ერთი სტრატეგიის გარშემო. ასევე, მნიშვნელოვანია, საქართველო გაუერთიანდეს ისეთ ქვეყნებს, როგორიცაა უკრაინა და მოლდოვა. ეს ქვეყნები, განიცდიან  ოკუპაციას რუსეთის მხრიდან. საჭიროა შეიქმნას საერთო დეოკუპაციის სტრატეგია და შემუშვდეს პრობლემის მშვიდობიანი გზით  მოგვარების გეგმა", - განაცხადა გიორგი ვაშაძემ.

მისივე თქმით, ევროკავშირისა და ამერიკის შეერთებული შტატების მხარდაჭერა, გაერთიანებას დაეხმარება გამარჯვებაში. იმ შემთხვევაში თუ ეს ქვეყნები, პირისპირ აღმოჩნდებიან რუსეთთან, დამარცხება გარდაუვალია. შესაბამისად, რუსეთთან პირისპირ დიალოგით, საქართველო, უკრაინა და მოლდოვა, ვერ შეძლებენ  ოკუპაციასთან დაკავშირებული პრობლემების მოგვარებას.