7 ივლისიდან ავიაკომპანია "სერვისეარი" თბილისიდან ბათუმის მიმართულებით ფრენებს შეასრულებს

7 ივლისიდან ავიაკომპანია "სერვისეარი" თბილისიდან ბათუმის მიმართულებით ფრენებს შეასრულებს

7 ივლისიდან "სერვისეარი" თბილისის საერთაშორისო აეროპორტიდან ბათუმის საერთაშორისო აეროპორტის მიმართულებით ფრენების განხორციელებას დაიწყებს. მგზავრებს "სააბის" ტიპის 32 ადგილიანი საჰაერო ხომალდი მოემსახურებათ. ერთი გზის ბილეთის ღირებულება  90 ლარს შეადგენს.

ბილეთების შეძენა შესაძლებელია ტურისტული კომპანია "ვანილა სქაის" თბილისისა და ბათუმის ოფისებში, ასევე აღნიშნული კომპანიის ვებ-გვერდზე (7 ივლისის 16:00 საათიდან) და ბათუმის საერთაშორისო აეროპორტის სალაროში.
 
საქართველოს მთავრობის გადაწყვეტილებით და ეკონომიკისა და მდგრადი განვითარების სამინისტროს მხარდაჭერით, შიდა ტურიზმისა და ადგილობრივი რეისების განვითარების მიზნით შპს „საქართველოს აეროპორტების გაერთიანებამ“ განახორციელა მგზავრთა საჰაერო გადაყვანის ავიარეისების ორგანიზების და შესრულების მომსახურების შესყიდვა, ელექტრონული ტენდერის გზით. ტენდერში გამარჯვებულ კომპანიად გამოვლინდა შპს "სერვისეარი",
რომელთანაც გაფორმდა შესაბამისი ხელშეკრულება.
 
შპს "სერვისეირი" ამჟამად ნატახტარის აეროდრომიდან უკვე ასრულებს ფრენებს ქუთაისის, მესტიის და ამბროლაურის მიმართულებებით.
ვლადიმერ ჯანჯღავა: მიმართვა საქართველოს ბიზნესომბუდსმენს, ბატონ ირაკლი ლექვინაძეს

ვლადიმერ ჯანჯღავა: მიმართვა საქართველოს ბიზნესომბუდსმენს, ბატონ ირაკლი ლექვინაძეს

7 საათის წინ

"პატივისცემით მოგმართავთ ვლადიმერ ჯანჯღავა - კომპანია "ბადაგონის" დამფუძნებელი და ერთადერთი ინვესტორი. ხაზგასმით ვიმეორებ - ერთადერთი ინვესტორი, ვინაიდან კომპანია "ბადაგონი" მხოლოდ ჩემი ფინანსური ინვესტიციებით შეიქმნა. 2003 წლიდან...