მთავარი » ბანკები » ვითიბი ბანკი 2017 წლის უეფას 19-წლამდელთა ევროპის ჩემპიონატის გენერალური სპონსორია
ვითიბი ბანკი 2017 წლის უეფას 19-წლამდელთა ევროპის ჩემპიონატის გენერალური სპონსორია
18:50 | 4 ივლისი, 2017

ვითიბი ბანკი 2017 წლის უეფას 19-წლამდელთა ევროპის ჩემპიონატის გენერალური სპონსორია

2 ივლისს საქართველოში 19 წლამდე საფეხბურთო ნაკრებთა ევროპის ჩემპიონატი დაიწყო. ვითიბი ბანკი აღნიშნული ტურნირის გენერალური სპონსორია, - აღნიშნულის შესახებ ინფორმაციას ვითიბი ბანკი ავრცელებს.

გახსნა და პირველი მატჩი, საქართველოსა და პორტუგალიის ნაკრებებს შორის, გორში თენგიზ ბურჯანაძის სახელობის სტადიონზე ჩატარდა. 

ეს არის რიგით მე-16 ევროპის 19 წლამდელთა ჩემპიონატი, რომელიც უეფას ორგანიზებით ხორციელდება, მასში მონაწილეობას რვა ქვეყნის: საქართველოს, გერმანიის, ინგლისის, ჩეხეთის, შვედეთის, პორტუგალიის, ჰოლანდიის და ბულგარეთის ნაკრები იღებს. მატჩები გაიმართება თბილისში, მიხეილ მესხის სახელობის არენაზე, მიხეილ მესხის სათადარიგო მოედანზე, დავით პეტრიაშვილის არენაზე და გორში თენგიზ ბურჯანაძის სახელობის არენაზე.

ტურნირის ფინალური დაპირისპირება 15 ივლისს მიხეილ მესხის სახელობის სტადიონზე შედგება.