ახალგაზრდა რკინიგზელთა ასოციაციამ დასუფთავების აქცია გამართა

ახალგაზრდა რკინიგზელთა ასოციაციამ დასუფთავების აქცია გამართა

დღეს, გარემოს დაცვის მსოფლიო დღესთან დაკავშირებით, საქართველოს ახალგაზრდა რკინიგზელთა ასოციაციამ  ქუთაისში, სალოკომოტივო დეპოს მიმდებარე ტერიტორიაზე, დასუფთავების აქცია გამართა.

ასოციაციის მიერ ქუთაისის სალოკომოტივო დეპოს ტერიტორია სპეციალურად იქნა შერჩეული. 140 წლის წინ, 1877 წელს  რკინიგზის "რიონი - ქუთაისის" განშტოების მშენებლობა დასრულდა. აღნიშნული მონაკვეთის მშენებლობის დასრულების შემდეგ, ქუთაისი  რკინიგზის ცენტრალურ მაგისტრალს შეუერთდა და შესაძლებელი გახდა ქუთაისიდან მატარებლით მგზავრობა. შესაბამისად, დღეს გამართული დასუფთავების აქცია, ახალგაზრდა რკინიგზელთა ასოციაციამ აღნიშნულ საიუბილეო თარიღს მიუძღვნა. 5 ივნისი კი გაერთიანებული ერების ორგანიზაციის გენერალურმა ასამბლეამ გარემოს დაცვის დღედ  1972 წლიდან გამოაცხადა. აღნიშნულ ფაქტს საქართველოს ახალგაზრდა რკინიგზელთა ასოციაცია წელს პირველად შეუერთდა.

რკინიგზელთა ასოციაციის აქციაში აქტიურად იყვნენ ჩართული სალოკომოტივო დეპოს თანამშრომლები. რკინიგზელებს გარემოსდაცვით სამუშაოებში საქართველოს რკინიგზის შვილობილი  კომპანიის "GR Logistic & Transit"-ის თანამშრომლებიც ეხმარებოდნენ. საჭირო ტექნიკითა და ინვენტარით აქციაში  ქუთაისის ა(ა)იპ "სპეციალური  სერვისები"-ს სამსახური ჩაერთო.

შეგახსენებთ, რომ საქართველოს ახალგაზრდა რკინიგზელთა ასოციაცია 2012 წელს დაარსდა და მისი უმთავრესი მიზანი რკინიგზის სექტორის განვითარება და პოპულარიზაცია იყო. დაარსებიდან დღემდე ორგანიზაციამ, საქართველოს რკინიგზის მენეჯმენტის ხელშეწყობით,  რამდენიმე მნიშვნელოვანი პროექტი განახორციელა. ასოციაციის ინიციატივითა და ს/ს "საქართველოს რკინიგზის" ხელშეწყობით  ტექნიკური უნივერსიტეტის  სარკინიგზო მიმართულების წარჩინებული  სტუდენტები  სტიპენდიას იღებენ, ხოლო მაგისტრანტებისა და დოქტორანტების სწავლის საფასური 50 % ფინანსდება. გასულ წელს ,,სარა“-მ საქართველოს რკინიგზასთან ერთად,  ტექნიკური უნივერსიტეტის ბაზაზე, სარკინიგზო სასწავლო ლაბორატორია დააარსა. ახალგაზრდა რკინიგზელთა ასოციაციის პრიორიტეტი  საგანმანათელბო პროექტებია, თუმცა, აქტიურად მართავს სხვადასხვა სახის სოციალურ აქტივობებსაც.

ქუთაისის საერთაშორისო აეროპორტიდან გდანსკის მიმართულებით რეგულარული ავიამიმოსვლა იწყება

ქუთაისის საერთაშორისო აეროპორტიდან გდანსკის მიმართულებით რეგულარული ავიამიმოსვლა იწყება

16 საათის წინ

2019 წლის 2 აპრილს ქუთაისის საერთაშორისო აეროპორტიდან გდანსკის მიმართულებით რეგულარული ავიამიმოსვლა დაიწყება. საპორტო ქალაქი გდანსკი იქნება რიგით მეოთხე მიმართულება, სადაც ქუთაისის საერთაშორისო აეროპორტიდან პოლონეთის მიმართულებით და...