რუსეთმა აშშ-ის სახაზინო ობლიგაციებში ინვესტირება 15%-ით გაზარდა

რუსეთმა აშშ-ის სახაზინო ობლიგაციებში ინვესტირება 15%-ით გაზარდა

რუსეთმა 2017 წლის მარტში, გასული წლის შესაბამისს პერიოდთან შედარებით, აშშ-ის სახაზინო ობლიგაციებში (Treasury bills) ინვესტიციები 13,5 მილიარდი დოლარით, 99,8 მილიარდ დოლარამდე გაზარდა. შესაბამისს მონაცემებს აშშ-ის ფინანსთა სამინისტრო ავრცელებს. ამგვარად, ერთ თვეში ამერიკის ფასიან ქაღალდებში ჩადებული რუსული ინვესტიციები 15 პროცენტით გაიზრდა.

რუსეთს აშშ-ის ობლიგაციების მფლობელთა შორის მე-15 ადგილი უჭირავს.

აშშ-ის სახაზინო ობლიგაციების უმსხვილესი მფლობელი იაპონია და ჩინეთია. იაპონია 1,12 ტრილიონი დოლარის ფასიან ქაღალდებს ფლობს, ხოლო ჩინეთი - 1,08 ტრილიონი დოლარისას.

მიმდინარე წლის თებერვალში ბლუმბერგმა 2017 წლის მთავარ ეკონომიკურ რისკებს შორის დოლარის გამყარება დაასახელა. აცხადებდნენ, რომ ძლიერ ამერიკულ ვალუტას შეეძლო აშშ-ის ექსპორტიორები დაეზარალებინა და კორპორატიული სექტორის შემოსავლების დინამიკა გაეუარესებინა.

სტუდენტებისთვის საუკეთესო ქალაქების რეიტინგში პირველი ადგილი ლონდონმა დაიკავა

სტუდენტებისთვის საუკეთესო ქალაქების რეიტინგში პირველი ადგილი ლონდონმა დაიკავა

10 მაისი, 2018

რეიტინგის შედგენისას ანალიტიკოსებმა გაითვალისწინეს ისეთი ფაქტორები, როგორიცაა ქალაქში მსოფლიოში მოწინავე სასწავლებლების რაოდენობა, სტუდენტების საერთო რაოდენობაში უცხოელთა წილი, ტოლერანტობა, ქალაქში მუზეუმების რაოდენობა, ქალაქის...