უკრაინის ექსპერტიზა: ქართული სიგარეტის მწარმოებელი მომხმარებლებს ატყუებს

უკრაინის ექსპერტიზა: ქართული სიგარეტის მწარმოებელი მომხმარებლებს ატყუებს

სიგარეტ "პირველის" ბოლში, რომელიც Tbilisi Tobacco-ს მიერაა წარმოებული, კუპრის, ნიკოტინისა და მხუთავი აირის გადაჭარბებული რაოდენობა გამოვლინდა, - შესაბამისი კვლევა უკრაინის ჯანდაცვის სამინისტროს ტოქსიკოლოგიის პრევენციისა და ქიმიური უსაფრთხოების სამეცნიერო ცენტრმა ჩაატარა, იუწყება ukranews-ი.

"კვლევის ყველა ნიმუშში, სიგარეტის ერთი ღერის ბოლში აღინიშნება კუპრის, ნიკოტინისა და მხუთავი აირის გადაჭარბებული რაოდენობა - 10,1 და 10 მგ.

კერძოდ, უფილტრო სიგარეტ Pirveli 7 Blue-ში კუპრის რეალური რაოდენობა (19,5 მგ) თითქმის ორჯერ აღმატება იმ ოდენობას, რამდენიც კოლოფზე, მწარმოებლის მიერაა მითითებული (10 მგ).

სხვა ბრენდებშიც აღმოჩენილია კუპრის აშკარად გადაჭარბებული რაოდენობა: Pirveli Premium Blue 7 - 11.6 მგ (მითითებულია 8 მგ), Pirveli International Blue 7 - 12.7 მგ (მითითებულია 8 მგ).

ამასთან, მხუთავი აირის გადაჭარბებული ოდენობა, სიგარეტ "პირველის" თითქმის ყველა ტესტირებულ ბრენდში გამოვლინდა. Pirveli Premium Red 9-სა და Pirveli Premium Blue 7-ში 14.2 მგ მხუთავი აირი გამოვლინდა, ხოლო Pirveli International Blue 7-ში - 15.8 მგ, როდესაც ყველა შემთხვევაში, მწარმოებელს შეფუთვაზე მხუთავი აირის შემცველობის 10 მილიგრამიანი მაჩვენებელი აქვს მითითებული.

ტესტირებულ სიგარეტებში აგრეთვე გადაჭარბებულია ნიკოტინის შემცველობაც. მაგალითად, Pirveli 7 Blue-ს ნიკოტინის შემცველობა 1,35 მილიგრამს შეადგენს, ხოლო მითითებულია 1 მგ", - აღნიშნულია კვლევაში.

უკრაინის ჯანდაცვის სამინისტროს ტოქსიკოლოგიის პრევენციისა და ქიმიური უსაფრთხოების სამეცნიერო ცენტრი WHO Tobacco Laboratory Network-ის წევრია, რომელიც 2005 წელს შეიქმნა.

კვლევა 2017 წლის თებერვალში ჩატარდა.

სტუდენტებისთვის საუკეთესო ქალაქების რეიტინგში პირველი ადგილი ლონდონმა დაიკავა

სტუდენტებისთვის საუკეთესო ქალაქების რეიტინგში პირველი ადგილი ლონდონმა დაიკავა

10 მაისი, 2018

რეიტინგის შედგენისას ანალიტიკოსებმა გაითვალისწინეს ისეთი ფაქტორები, როგორიცაა ქალაქში მსოფლიოში მოწინავე სასწავლებლების რაოდენობა, სტუდენტების საერთო რაოდენობაში უცხოელთა წილი, ტოლერანტობა, ქალაქში მუზეუმების რაოდენობა, ქალაქის...