ინოვაციების სააგენტო ახალ პროექტს - Startup Beats იწყებს

ინოვაციების სააგენტო ახალ პროექტს - Startup Beats იწყებს

23 მარტს,  საქართველოს ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტო იწყებს ახალ პროექტს -  Startup Beats-ს, რომლის მიზანია საქართველოში არსებულ სტარტაპებს შორის კომუნიკაციის დამყარება და გამოცდილების გაზიარება.

პირველი შეხვედრა, 23 მარტს 19 საათზე ტექნოპარკში გაიმართება. პროექტს გახსნიან პროგრამა "სტარტაპ საქართველოს" გამარჯვებული კომპანიების დამფუძნებლები:  ბაჩო ხაჩიძე, კომპანია Treepex-ის დამფუძნებელი და  შოთა გიორგობიანი, კო მპანია OptioAI-ის დამფუძნებელი.

აღნიშნულმა სტარტაპებმა, ასევე გამარჯვება მოიპოვეს საერთაშორისო კონკურსებზე: Mobile World Congress (ესპანეთი) და The Fincluders Startup Challenge (გერმანია).

შეხვედრაზე სპიკერები ისაუბრებენ, როგორც კონკურსებში მიღებულ გამოცდილებაზე, ისე სტარტაპის შექმნისა და განვითარების საკითხებზე.

ბაჩო ხაჩიძე - Treepex - ხის დარგვის ინოვაციური გადაწყვეტილება.  ახალი ტექნოლოგიების საშუალებით ვაკავშირებთ კომპანიებს და ინდივიდუალურ მომხმარებლებს, იმ ადგილობრივ მოსახლეობასთან, რომლებიც დაზიანებული ტყის მასივის მიმდებარედ ცხოვრობენ - მთელი მსოფლიოს მაშტაბით.

სპიკერი - შოთა გიორგობიანი - OptioAI. განსხვავებული ციფრული მობილური საფულე პირადი ფინანსების დაგეგმვისა და მართვისათვის, რომელიც ხელოვნური ინტელექტისა და ე.წ. "ჩათბოტების" საფუძველზე ასრულებს პირადი ასისტენტის როლს და ბუნებრივი ინტერაქციის წყალობით ამარტივებს ფინანსების მართვის პროცესს.

The Wall Street Journal: Google შესაძლოა, ტრამპის საიმიგრაციო განკარგულებას წინააღმდეგობას უწევდეს

The Wall Street Journal: Google შესაძლოა, ტრამპის საიმიგრაციო განკარგულებას წინააღმდეგობას უწევდეს

21 სექტემბერი, 2018

Google-ის თანამშრომლები საძიებო სისტემის ისე შემუშავების საკითხებს განიხილავენ, რომ წინააღმდეგობა გაუწიონ აშშ-ის პრეზიდენტის დონალდ ტრამპის საიმიგრაციო განკარგულებას. ამის შესახებ The Wall Street Journal წერს. როგორც გამოცემის წყარო იუწყება, "ვიცი, რომ ეს...