Reuters: OPEC-ი ნავთობის მოპოვების შემცირების შესახებ შეთანხმების გაგრძელებაზე უარს იტყვის

Reuters: OPEC-ი ნავთობის მოპოვების შემცირების შესახებ შეთანხმების გაგრძელებაზე უარს იტყვის

OPEC-ი (ნავთობის ექსპორტიორ ქვეყანათა ორგანიზაცია) ნავთობის მოპოვების შესახებ შეთანხმებას აღარ გააგრძელებს. აღნიშნულის შესახებ Reuters-ი წერს.

საუდის არაბეთის მაღალჩინოსნებმა ამერიკელ მეწარმეებთან დახურულ შეხვედრა გამართეს, რათა ბაზარზე არსებული სიტუაციის შესახებ თავიანთი მოსაზრებები ერთმანეთისთვის გაეცნოთ.

ერთ-ერთმა მრჩეველმა (საუდის არაბეთის ენერგეტიკის მინისტრმა ჰალიდ ალ-ფალიჰმა) განაცხადა, რომ აშშ-ში ფიქალი ნავთობის მოპოვება OPEC-ს დარტყმას არ მიაყენებს. მან აგრეთვე აღნიშნა, რომ არცერთი მეწარმე ავტომატურად არ უნდა დაეყრდნოს იმას, რომ OPEC-ი ნავთობის მოპოვების შემცირების შესახებ პაქტს გაახანგრძლივებს.

აშშ-ის ხელისუფლების მოლოდინია, რომ 2017 წელს ქვეყანაში ნავთობის მოპოვება დღეში 330 ათას ბარელამდე გაიზრდება, ძირითად ფიქალი ნავთობი იგულისხმება. ამასთან, ზოგიერთი ანალიტიკოსი და მწარმოებელი ნავთობის მოპოვების ზრდის გაორმაგებას პროგნოზირებს.

9 მარტს ბრენტის მარკის ნავთობზე ფასი 52 აშშ დოლარზე ქვემოთ ჩამოვიდა, რაც 2016 წლის დეკემბრის შემდეგ პირველად მოხდა. ფასის დაცემას აშშ-ში ნავთობის რეზერვის ზრდას უკავშირებენ.

OPEC-ის მომდევნო სხდომა ვენაში 25 მაისს გაიმართება. შეხვედრაზე მეწარმეები ნავთობის მოპოვების შემცირების შესახებ შეთანხმების გახანგრძლივების შესაძლებლობას განიხილავენ.

1-ლი იანვრიდან OPEC-ი და კიდევ რამდენიმე სახელმწიფო ნახევარი წლის ვადით ნავთობის მოპოვების შემცირების შესახებ შეთანხმდა.

სტუდენტებისთვის საუკეთესო ქალაქების რეიტინგში პირველი ადგილი ლონდონმა დაიკავა

სტუდენტებისთვის საუკეთესო ქალაქების რეიტინგში პირველი ადგილი ლონდონმა დაიკავა

10 მაისი, 2018

რეიტინგის შედგენისას ანალიტიკოსებმა გაითვალისწინეს ისეთი ფაქტორები, როგორიცაა ქალაქში მსოფლიოში მოწინავე სასწავლებლების რაოდენობა, სტუდენტების საერთო რაოდენობაში უცხოელთა წილი, ტოლერანტობა, ქალაქში მუზეუმების რაოდენობა, ქალაქის...