პრემიერი: გვაქვს გეგმები, რომ მოვახდინოთ ბათუმის განვითარება, დავამკვიდროთ ევროპული სტანდარტები

პრემიერი: გვაქვს გეგმები, რომ მოვახდინოთ ბათუმის განვითარება, დავამკვიდროთ ევროპული სტანდარტები

2020 წლის შემოდგომაზე ბათუმს UEFA-ს სტანდარტების ახალი სტადიონი ექნება, - საერთაშორისო საფეხბურთო სტადიონის სამშენებლო სამუშაოები პრემიერ-მინისტრმა მამუკა ბახტაძემ დღეს აჭარის ავტონომიური რესპუბლიკის თავმჯდომარესთან ერთად დაათვალიერა. ამის შესახებ ინფორმაციას მთავრობის ადმინისტრაციის პრესსამსახური ავრცელებს.

ამ ეტაპზე რკინა-ბეტონის სამუშაოები მიმდინარეობს. უახლოეს დღეებში კი იარუსების მოწყობა დაიწყება. სექტემბრიდან დაგეგმილია ლითონის კონსტრუქციების სამუშაოები, რაც სტადიონის გადახურვას მოიცავს.

"ეს უმნიშვნლოვანესი პროექტი საშუალებას მოგვცემს, ბათუმში ვუმასპინძლოთ ძალიან მნიშვნელოვან ღონისძიებებს. ეს ძალიან მნიშვნელოვანია არა მხოლოდ სპორტული ღონისძიებების ჩასატარებლად, არამედ მეტი ტურისტის მოსაზიდად ქალაქში და ზოგადად აჭარაში. ამასთან ერთად, ჩვენ გვაქვს მნიშვნელოვანი გეგმები, რომ მოვახდინოთ ბათუმის ურბანული განვითარება, დავამკვიდროთ ევროპული სტანდარტები.

სტადიონი არის ნებისმიერი წარმატებული ევროპული ქალაქის აუცილებელი ატრიბუტი. აქედან გამომდინარე, ჩვენ ყოველდღიურ რეჟიმში ვახორიელებთ მონიტორინგს, რომ ეს პროექტი ვადაში დასრულდეს", - განაცხადა მამუკა ბახტაძემ.

20 ათას მაყურებელზე გათვლილი საერთაშორისო საფეხბურთო სტადიონის მშენებლობაზე200 ადამიანია დასაქმებული, რომელთა რაოდენობა სექტემბრიდან 250-მდე გაიზრდება. მთლიანად, მშენებლობის პროცესში ჯამში 500 ადამიანი დასაქმდება.

ქალაქ რუსთავის ნაწილს 20 აგვისტოს გაზმომარაგება შეუწყდება

ქალაქ რუსთავის ნაწილს 20 აგვისტოს გაზმომარაგება შეუწყდება

17 აგვისტო, 2018

მიმდინარე წლის 20 აგვისტოს დილის 09:00 საათიდან საღამოს 18:00 საათამდე ქალაქ რუსთავში კერძოდ, VII, VIIა, VIIბ, VIII მიკრორაიონებს, ლომოურის ქუჩას, ლომოურის გასავლელს, შარტავას გამზირის №4-ს, მელიქიშვილის I და VII გასავლელებს გაზმომარაგება შეუწყდება. ამის შესახებ...