"ფოლკლორის დღეები" ბათუმში დაიწყო - ფესტივალი ზღვისპირა ქალაქში 26 აგვისტომდე გაგრძელდება

"ფოლკლორის დღეები" ბათუმში დაიწყო - ფესტივალი ზღვისპირა ქალაქში 26 აგვისტომდე გაგრძელდება

Check in Georgia-ს ფარგლებში, ზღვისპირა ქალაქი "ფოლკლორის დღეებს" უმასპინძლებს. ფესტივალი 29 ივლისიდან 26 აგვისტომდე, ბათუმის ბულვარში, კოლონადებთან გაიმართება. მოეწყობა 24 კონცერტი, რომელშიც 45 ანსამბლი მიიღებს მონაწილეობას, მათ შორის, აჭარისა და თბილისის სიმღერისა და ცეკვის ფოლკლორული ანსამბლები, ასევე ქორეოგრაფიული ანსამბლები საქართველოს სხვადასხვა კუთხიდან. მნიშვნელოვანია, რომ "ფოლკლორის დღეები" საქართველოს ფოლკლორის სახელმწიფო ცენტრის ორგანიზებით ტარდება.

უნიკალური ქართული ფოლკლორი უცხოელი სტუმრების განსაკუთრებულ ინტერესს იწვევს, შესაბამისად, მისი პოპულარიზაცია ტურისტული პოტენციალის ამაღლებას შეუწყობს ხელს. ფესტივალის მიზანია ქალაქ ბათუმში ჩასულ სტუმრებს მიეცეთ ქართული ხალხური შემოქმედების გაცნობის საშუალება.

ფესტივალის მხარდამჭერები არიან საქართველოს განათლების, მეცნიერების, კულტურისა და სპორტის სამინისტრო, საქართველოს ტურიზმის ეროვნული ადმინისტრაცია, აჭარის ა/რ განათლების, კულტურისა და სპორტის სამინისტრო, ბათუმის მერია, ბათუმის მერიის კულტურის ცენტრი, ბათუმის ბულვარი.კონცერტები გაიმართება ბათუმის ბულვარში - ანბანის კოშკთან, ყოველ დღე, 20:00 საათზე. დასწრება თავისუფალია.

ფესტივალი უკვე დაიწყო. პირველი კონცერტი ანბანის კოშკთან გაიმართა. სცენაზე წარსდგა აჭარის სიმღერისა და ცეკვის სახელმწიფო აკადემიური ანსამბლი "არსიანი". ანსაბლმა მრავალფეროვანი და საინტერესო საკონცერტო პროგრამით, მრავალრიცხოვანი მაყურებლის მოწონება დაიმსახურა.

გუდაურში ხელოვნური გათოვლიანების სისტემას იტალიური კომპანია "ტექნო ალპინი" დაამონტაჟებს

გუდაურში ხელოვნური გათოვლიანების სისტემას იტალიური კომპანია "ტექნო ალპინი" დაამონტაჟებს

18 აგვისტო, 2018

კურორტ გუდაურში იტალიური კომპანია ტექნო ალპინი ხელოვნური გათოვლიანების უახლეს სოსტემას დაამონტაჟებს. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს. ხელშეკრულებას ხელი კომპანიასა და მთის კურორტების...