გიორგი ქობულია: დიდი ყურადღება დაეთმობა სოფლის განვითარებას, იქ სიღარიბის დონე მაღალია

გიორგი ქობულია: დიდი ყურადღება დაეთმობა სოფლის განვითარებას, იქ სიღარიბის დონე მაღალია

"ჩვენი ეკონომიკური განვითარების ფილოსოფია ეფუძნება არა მარტო ეკონომიკურ ზრდას, არამედ ეკონომიკის შემოსავლების თანაბარ განაწილებას მოსახლეობაში", - ამის შესახებ ეკონომიკის მინისტრობის კანდიდატმა გიორგი ქობულიამ მთავრობის ადმინისტრაციაში განაცხადა. 

"ამასთან დაკავშირებით ეკონომიკაში ძალიან დიდი ყურადღება დაეთმობა სოფლის და რაიონის განვითარებას, რადგან ჩვენ ვიცით, რომ დღეს რაიონებსა და სოფლებში სიღარიბის დონე გაცილებით უფრო მაღალია.

ამასთან დაკავშირებით ჩვენ ვგეგმავთ სერიოზული ინვესტიციების მოზიდვას, აგრარულ და მომიჯნავე სექტორებში, აგრეთვე ვგეგმავთ სერიოზულ ღონისძიებებს საშუალო და მცირე ბიზნესის მხარდაჭერისთვის, ამასთან ერთად დიდი ყურადღება დაეთმობა კერძოდ ინდუსტრიალიზაციას და ტექნოლოგიებზე დამყარებული ეკონომიკის განვითარებას. აქაც ჩვენ ვგეგმავთ საქართველოში ინვესტორების მოზიდვას, რა თქმა უნდა ორივე პროგრამა დაკავშირებული რაიონების განვითარებასთან, მაღალ ტექნოლოგიებთან და ინდუსტრიალიზაციასთან მოითხოვს ჩვენგან სერიოზულ ინვესტირებას განათლებაში, და ხალხის უნარ-ჩვევების განვითარებას, რაც ძალიან მნიშვნელოვანია.

ამის გარდა ჩვენ აუცილებლად უნდა დავუთმოთ ყურადღება აღსრულების დისციპლინის გამყარებას. ჩვენ დავგეგმავთ ძალიან სერიოზულ ინსტრუმენტებს, რომელიც საშუალებას მოგვცემს, რომ ის, რასაც ჩვენ დავგეგმავთ, იყოს შესრულებული", - აღნიშნა გიორგი ქობულიამ.

ქობულია:ეკონომიკურ პროცესებში მოსახლეობის მეტი ჩართულობა გვინდა,რათა უფრო მეტად დასაქმდნენ

ქობულია:ეკონომიკურ პროცესებში მოსახლეობის მეტი ჩართულობა გვინდა,რათა უფრო მეტად დასაქმდნენ

13 ივლისი, 2018

"ჩვენ გვინდა მოსახლეობის მეტი ჩართულობა ეკონომიკურ პროცესებში. ისინი უფრო მეტად უნდა დასაქმდნენ და მიიღონ შემოსავალი. ამდენად, ჩვენ მხარი უნდა დავუჭიროთ მხოლოდ ზრდაზე ორიენტირებულ პროექტებს," - განაცხადა ეკონომიკისა და მდგრადი...