ბახტაძე: საქართველოში დაბალი სტანდარტების მანქანების იმპორტი აიკრძალება

ბახტაძე: საქართველოში დაბალი სტანდარტების მანქანების იმპორტი აიკრძალება

"საქართველოში დაბალი სტანდარტების მანქანების იმპორტი აიკრძალება და გამკაცრდება მოთხოვნები ტექნიკურ დათვალიერებაზე", - ამის შესახებ საქართველოს პრემიერმინისტრმა მამუკა ბახტაძემ მთავრობის ადმინისტრაციაში გამართულ ბრიფინგზე განაცხადა.

"მინდა შევეხო ეკოლოგიას და იმ პრობლემას, რომელიც დღეს დგას და ობიექტურად თითოეულმა ჩვენგანმა ვიცით, რომ ეს არის ერთ-ერთი ყველაზე მძიმე გამოწვევა დღეს ჩვენი ქვეყნისთვის. აქედან გამომდინარე, ჩვენ დავამუშავეთ ძალიან მნიშვნელოვანი ინიციატივები, რომლებიც მოკლე ვადაში საშუალებას მოგვცემს, რომ ამ მიმართულებით მივიღოთ ძალიან მნიშვნელოვანი შედეგები.

მინდა ის მიმართულებები ჩამოგითვალოთ, რომელზეც გავაკეთებთ აქცენტს, ეს არის საწვავის ხარისხის გაზრდა, ამასთან ერთად აიკრძალება საქართველოში დაბალი სტანდარტების მანქანების იმპორტი და გამკაცრდება მოთხოვნები ტექნიკურ დათვალიერებაზე.

აგრეთვე შევა მასშტაბური ცვლილებები სამშენებლო სამუშაოების წარმოებისა და საქალაქო სტანდარტის გაუმჯობესების კუთხით", - აცხადებს ბახტაძე.

"ბორჯომი" -  აქტიური ზაფხულის გემო

"ბორჯომი" - აქტიური ზაფხულის გემო

13 ივლისი, 2018

ზაფხული გრძელი დღეების, თბილი ღამეების, ახალი აღმოჩენებისა და გულწრფელი ემოციების პერიოდია. ზაფხულში  უფლება გვაქვს უკან მოვიტოვოთ ყველა საზრუნავი, თავით გადავეშვათ აქტიური დასვენების სამყაროში და მივიღოთ მაქსიმალური სიამოვნება...