სს "ენერგო-პრო ჯორჯია" ენერგეტიკის დარგის პოპულარიზაციას განაგრძობს

სს "ენერგო-პრო ჯორჯია" ენერგეტიკის დარგის პოპულარიზაციას განაგრძობს

ენერგეტიკის დარგის პოპულარიზაციის პროექტის ფარგლებში, სს "ენერგო-პრო ჯორჯია" განაგრძობს რეგიონებში უფროსკლასელებისთვის საჩვენებელი გაკვეთილების ჩატარებას. მე-8 და მე-9 კლასის მოსწავლეებს კომპანიის თანამშრომლებმა გააცნეს ელექტროენერგიის გამომუშავების მეთოდები, ჩაატარეს ელექტროობასთან დაკავშირებულ მცირე სახალისო ცდები და სხვა. მოსწავლეები აგრეთვე იმყოფებოდნენ ექსკურსიაზე კომპანიის საკუთრებაში არსებულ ჰიდროელექტროსადგურებზე. ამის შესახებ ინფორმაციას ენერგო-პრო ჯორჯია ავრცელებს.
 
პროექტის ძირითად მიზანს წარმოადგენს ენერგეტიკისა და ელექტროინჟინერიის დარგების პოპულარიზაცია, რაც კომპანიის ადამიანური რესურსების დეპარტამენტის სტრატეგიის ნაწილია. USAID-თან ერთად, კომპანია აღნიშნულ პროექტს, 2016 წლიდან ახორციელებს საქართველოს სხვადასხვა რეგიონის სკოლებში. ამ დროისთვის საჩვენებელი გაკვეთილები უკვე 100-მდე სკოლაში ჩატარდა. აღნიშნული პროექტი გაგრძელდება 2018-2019 სასწავლო წელსაც. სკოლებს, რომლებსაც სურთ აღნიშნულ პროექტში ჩართვა, შეუძლიათ მიმართონ ენერგო-პრო ჯორჯიას ადამიანური რესურსების დეპარტამენტს.
 
გარდა ამისა, ენერგეტიკის დარგში მეტი ახალგაზრდა კადრის მოზიდვის მიზნით, სს "ენერგო-პრო ჯორჯია" ახორციელებს სხვადასხვა პროექტს. პროფესიული საგანმანათლებლო დაწესებულებების წარჩინებული სტუდენტებისთვის, კომპანია აძლევს საშუალებას გაიარონ პრაქტიკული მეცადინეობა კომპანიაში  მომავალი დასაქმების პერსპექტივით.
 
სს "ენერგო-პრო ჯორჯია" მონაწილეობს საგანმანათლებლო პროგრამებისა და სტანდარტების განახლების პროცესში; აგრეთვე აქტიურად, იღებს მონაწილეობას დარგის პედაგოგების გადამზადებაში.
მამუკა ბახტაძე: ჩვენი სურვილია, ვიხილოთ მეტი ამერიკული კომპანიის ინვესტიცია საქართველოში

მამუკა ბახტაძე: ჩვენი სურვილია, ვიხილოთ მეტი ამერიკული კომპანიის ინვესტიცია საქართველოში

9 საათის წინ

საქართველო ბიზნესის კეთების სიმარტივის კუთხით მოწინავე ქვეყანაა და ჩვენი სურვილია, ვიხილოთ მეტი ამერიკული კომპანიის ინვესტიცია საქართველოში,- ამის შესახებ საქართველოს პრემიერ-მინისტრმა მამუკა ბახტაძემ ვაშინგტონში, აშშ-ის ბიზნესწრეების...