ჩერქეზიშვილი: საქართველოში საზღვაო სერვისების განვითარება ქვეყნის ერთ-ერთი პრიორიტეტია

ჩერქეზიშვილი: საქართველოში საზღვაო სერვისების განვითარება ქვეყნის ერთ-ერთი პრიორიტეტია

მეზღვაურთა საერთაშორისო დღისადმი მიძღვნილი ღონისძიებების ფარგლებში, ეკონომიკისა და მდგრადი განვითარების მინისტრმა გიორგი ჩერქეზიშვილმა ბათუმის სახელმწიფო საზღვაო აკადემიაში ახალი სიმულატორების ოთახი გახსნა, რომელიც თხევადი ტვირთების გემებზე დასაქმებული სპეციალისტების მომზადებას მოემსახურება. მინისტრს მეგზურობა აკადემიის რექტორმა ირაკლი შარაბიძემ გაუწია. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

ეკონომიკისა და მდგრადი განვითარების მინისტრის განცხადებით, ახალი სიმულატორები კიდევ ერთი დამატებითი სერვისი იქნება როგორც ქართველის სტუდენტებისთვის, ისე უცხოეთიდან ჩამოსული სპეციალისტებისთვის, რადგან მათ შესაძლებლობა ექნებათ, აქ გაიარონ მაღალკვალიფიციური ტრენინგები.

ბათუმის საზღვაო აკადემიაში სტუმრობისას, გიორგი ჩერქეზიშვილი ასევე გაესაუბრა აკადემის პროფესორ-მასწავლებლებს, რომელთაც მეზღაურთა საერთაშორისო დღე მიულოცა და წარმატებები უსურვა.

"პირველ რიგში, მინდა, მეზღვაურის საერთაშორისო დღე მივულოცო მეზღვაურებს და დარგში დასაქმებულ ყველა ადამიანს - ეს დღე ჩვენთვის ძალზე მნიშვნელოვანია, რადგან საქართველო საზღვაო ქვეყანაა და საზღვაო სერვისების განვითარება ქვეყნის ერთ-ერთი პრიორიტეტია, ასევე მაღალკვალიფიციური მეზღვაურების და ამ დარგის სპეციალისტების გამოშვება. ამ მიზანს ემსახურება დღეს ჩვენი ვიზიტი საზღვაო აკადემიაში, რომელიც გახლავთ ერთ-ერთი წარმატებული სასწავლებელი არამარტო საქართველოში, არამედ მთლიანად რეგიონში," - განაცხადა ეკონომიკისა და მდგრადი განვითარების მინისტრმა.

ქობულია:ეკონომიკურ პროცესებში მოსახლეობის მეტი ჩართულობა გვინდა,რათა უფრო მეტად დასაქმდნენ

ქობულია:ეკონომიკურ პროცესებში მოსახლეობის მეტი ჩართულობა გვინდა,რათა უფრო მეტად დასაქმდნენ

13 ივლისი, 2018

"ჩვენ გვინდა მოსახლეობის მეტი ჩართულობა ეკონომიკურ პროცესებში. ისინი უფრო მეტად უნდა დასაქმდნენ და მიიღონ შემოსავალი. ამდენად, ჩვენ მხარი უნდა დავუჭიროთ მხოლოდ ზრდაზე ორიენტირებულ პროექტებს," - განაცხადა ეკონომიკისა და მდგრადი...